72 dira dagoeneko Hegoafrikako istiluetan hildakoak
Jacob Zuma Hegoafrikako presidente ohiaren espetxeratzearen harira sortutako istilu eta arpilatze masiboen ondorioz 72 pertsona hil eta 1.234 pertsona atxilotu dituzte dagoeneko. Egoera horren aurrean, Poliziak eta armadak indarrak batu behar izan dituzte kaltetutako eremuak egonkortzen saiatzeko.
Istilu larrienak bi eskualdeetan izan dira: KwaZulu-Natal ekialdeko probintzian, eta Gauten probintzian, Afrikako nazio garatuena izateaz gain, herrialdearen bihotz politiko eta ekonomikoa dena. Azken probintzia horretan kokatzen dira, hain zuzen ere, Johannesburgo eta Pretoria.
Istiluak joan den ostiralean hasi ziren KwaZulu-Natalean. Jacob Zuma presidente ohiari 15 hilabeteko kartzela zigorra ezarri zioten, ustelkeriagatik deklaratzeari behin eta berriz uko egiteagatik.
Armadaren laguntza
Hegoafrikako Poliziak jakinarazitako azken datuen arabera 72 dira orain arte hildakoak. Istiluak kontrolatzen saiatze aldera, gainera, Armadak 2.500 soldadu bidali ditu Poliziari laguntzeko.
Zentzu horretan, Hegoafrikako agintariek komunitateei eta lider sozialei dei egin diete herritarrak antolatu eta arpilatzeak eta indarkeria eragozteko.
Istiluak edonon
Presidente ohiak asteazkeneko azken orduan entregatu poliziari. Behin eta berriz aldarrikatu zuen jazarpen politiko-judizial baten biktima izaten ari zela eta espetxe zigorra "heriotza epaia" izango zela berarentzat.
Testuinguru horretan eta Zumari babesa erakusteko asmotan, bere jarraitzaileak errepideak moztera irten ziren kalera. Hurrengo egunetan protestak herrialde guztira hedatu ziren, batez ere Johannesburgora.
Astebururako istilu bolada kaotikoa bihurtu ziren, baina mobilizazioek aurretik zeuden arazoekin ere badute lotura: muturreko desberdintasunekin, kriminalitate-maila handiekin eta covid-19aren pandemiarekin.
Presidenteak ohartarazi duenez, egoera kaotikoak herrialdearen elikadura eta osasun segurtasunean eragina izango du, eta, gainera, ekonomia suspertzeko eta koronabirusaren aurkako txertaketa planak aurrera egiteko oztopoa bihurtuko da.
Zure interesekoa izan daiteke
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.
Kevin Warshek jaso du Trumpen babesa Erreserba Federalean (Fed) Jerome Powell ordezkatzeko
AEBko Senatuak izendapena berretsi behar du orain, Etxe Zuriak AEBko Banku Zentralari egindako presioen testuinguruan. Erakunde horren independentzia, ordea, funtsezkoa da inflazioa kontrolatzeko eta enplegua bultzatzeko.