Estatu Batuak Afganistandik erretiratu dira, ebakuazioak eta 20 urteko gerra amaitutzat emanda
Ameriketako Estatu Batuek amaitutzat eman dituzte ebakuazioak eta Afganistandik erretiratu dira 20 urteko gerraren ostean.
Kenneth McKenzie jeneralak Pentagonoan egindako agerraldi batean jakinarazi duenez, AEBko Armadaren azken hegazkinak gauean atera dira Kabulgo aireportutik. Azken hegaldian, besteak beste, Ross Wilson AEBko jarduneko enbaxadorea joan da.
"Afganistandik erretiratzeko prozesua gauzatu dugula eta estatubatuarrak, atzerritarrak eta afganiar zaurgarrienak ebakuatzeko misioa amaitutzat eman dugula iragartzeko nago hemen", adierazi du.
Bide militarra amaitu bada ere, McKenziek ziurtatu du diplomaziaren bidetik jarraituko dutela herrialde horretan geratu diren estatubatuarren eta handik ihes egin nahi duten afganiarren ebakuazioa bermatzeko.
"Gaurko erretiratzearekin duela 20 urte, 2001eko irailaren 11ren ondotik, abiatuko genuen misioa bukatzen da. Misio honetan Osama Bin Ladenenekin amaitu zen, baita Al Kaidako hainbat kiderekin ere", azpimarratu du.
Alabaina, aitortu du gerrak honek kostu handia izan duela Estatu Batuentzat. "Ez da misio merkea izan. 2.461 soldadu estatubatuar eta zibil hil dira eta 20.000 zauritu baino gehiago izan dira", deitoratu du.
123.000 lagun baino gehiago ebakuatu dituzte
Horrez gain, talibanek Kabul kontrolpean hartu aurretik, joan den abuztuaren 14tik, AEBko tropek 79.000 zibil baino gehiago ebakuatu dituztela azaldu du, tartean 6.000 estatubatuar.
Guztira, nazioarteko tropen laguntzarekin, 123.000 pertsonak lortu dute Afganistandik ihes egitea.
Tropak erretiratu arren, McKenziek ohartarazi du Al Kaidari edo Estatu Islamikoari eraso egitea baztertzen ez dutela.
Gauzak horrela, AEBko Armada abuztuaren 31rako erretiratu da Afganistandik, Joe Bidenek agindu zuen moduan, ebakuazioak eta 20 urteko gerra amaitutzat emanda.
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.