Europar Batasunak Afganistan inguruko herrialdeak finantzatuko ditu errefuxiatu afganiarrak har ditzaten
Europar Batasuneko Barne ministroek bilera egin dute Bruselan Afganistango gatazkaren ondorioak aztertzeko eta bi erabaki hartu dituzte: alde batetik, errefuxiatu afganiarrak hartzea borondatezkoa izango da; eta bestetik, Afganistan inguruko herrialdeak diruz lagunduko dituzte, talibanengandik ihesi doazen herritarrak han gera daitezen eta, beraz, Europara hel ez daitezen.
Batzarra amaituta zabaldu duten oharrean adierazi dutenez, Afganistanen mugan eta igarobidean dauden herrialdeei zuzendutako laguntzak indartuko dituzte, "migratzaileak eta errefuxiatuak baldintza duinetan har ditzaten".
Neurri honen helburua legez kanpoko migrazioa, pertsonen trafikoa eta duela sei urteko migrazio masiboa ekiditea dela azpimarratu dute; izan ere, 2015ean, milioi bat migratzaile iritsi ziren Europar Batasunera eta krisi humanitario hark hainbat gabezia agerian utzi zituen.
Herrialde bakoitzak hartu beharreko errefuxiatu kopurua zehaztu zuten orduan, baina hainbat gobernu erabaki horren kontra agertu ziren eta ez zuten ebazpena bete. Orduko arazoak berriro errepikatzea saihestu nahi dute eta horretarako bidea markatu dute: migratzaileak hartzea edo ez herrialde bakoitzaren esku egongo da eta lehentasuna kolektibo zaurgarriek izango dute: adin txikikoek, adinekoek eta emakumeek.
Migratzaileak hartzeko edo Afganistan inguruko herrialdeak diruz laguntzeko aukeren arteko eztabaidan, Jean Asselborn Luxenburgoko Barne ministroa lehenengo aukeraren alde agertu da.
"Kanadak, Erresuma Batuak eta Estatu Batuek konpromisoak hartu badituzte, Europak ezin du zaituta jarraitu. Gure baloreekin bat egiten dutenei laguntzera behartuta gaude, ezin ditugu bakarrik utzi", azpimarratu du. Kanadak eta Erresuma Batuak 20.000 errefuxiatu inguru hartuko dituztela iragarri dute.
Europar Batasuneko agintariek beste bilera bat egingo dute irailean, zenbat errefuxiatu afganiar hartuko dituzte zehazteko asmoz.
Zure interesekoa izan daiteke
2040rako CO2 isurketak % 90 murriztea adostu dute EBko herrialdeek, baina malgutasunez
EBko herrialdeetako ministroek adostutako helburu lotesle horri esker, atzerriko karbono-kredituak erosi ahal izango dituzte isuriak murrizteko helburuaren % 5 betetzeko. Brasilen izango den COP30 Klima Aldaketari buruzko Nazio Batuen Goi-bilera hasi baino ordu gutxi batzuk lehenago egin dute akordioa.
Albiste izango dira: Zohran Mamdaniren garaipena New Yorken, Donostiako masajistaren aurkako epaia eta Dani Alvarezek Euskal Kazetarien Saria jasoko du
Gaurkoan Orain-en albiste izango direnen laburpena, bi hitzetan.
Nor da Zohran Mamdani, Trumpen amesgaizto berria?
34 urterekin, Mamdani alderdi demokrataren barruko olatu aurrerakoia, kultura aniztasunaren aldekoa eta ezkerzale berriaren izarra da. New Yorkeko alkate berriak boto gazte eta multikulturala bereganatzea lortu du, etxebizitza eskuragarrian eta ezker demokrataren berrikuntzan oinarritutako mezuari esker.
Mamdanik hauteskundeak irabazi ditu New Yorken eta "gizadiarentzat hobea den egun baten egunsentia" agindu du
Zohran Mamdani demokrata New Yorkeko historiako lehen alkate musulmana izango da, botoen % 50 baino gehiago eskuratuta. "Hiri berpiztu bat" gidatuko duela eta "islamofobia eta antisemitismorik gabe" denontzat gobernatuko duela agindu du.
Dick Cheney AEBko presidenteorde ohia hil da, 84 urterekin
George W. Bushen Gobernuko bigarrena Defentsa Saileko buru ere izan zen, eta garai batean Alderdi Errepublikanoaren zutabeetako bat.
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdiko liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".