NBEk CO2 isuriak erdira murrizteko deia egin du: "Hala egin ezean, gure hondamendia izango da"
Boris Johnson Erresuma Batuko lehen ministroak COP26ko buruzagien goi-bilera inauguratu du astelehen honetan Glasgown (Erresuma Batua), eta konferentzia klima-aldaketaren aurkako borrokaren "amaieraren hasiera" bihurtzeko deia egin du, etorkizuneko belaunaldiek gutxiago jasan ditzaten berotze globalaren ondorioak.
"Porrot egiten badugu, gure seme-alabek ez digute barkatuko. Mingostasunez epaituko gaituzte, eta arrazoia izango dute", esan die Johnsonek Nazio Batuen Erakundeko klimaren goi-bileran bildu diren 120 estatuburu eta gobernuburuei.
James Bond "Eskoziako semerik ospetsuenaren" irudia erabili du Erresuma Batuko lehen ministroak, mundua salbatzera bideratutako fikzioaren abenturen eta giza ekintzaren ondorioz klima-aldaketak planetari eragiten dion benetako mehatxuaren arteko analogia egiteko.
"James Bonden ia egoera berean gaude, baina hau ez da pelikula bat, tragedia bat baizik, eta munduaren amaiera iristeko atzerako kontaketa benetakoa da", adierazi du Johnsonek.
"Bi gradu gehiagorekin, elikagaien hornidura arriskuan jarriko dugu. Hiru gradu gehiagorekin, sute gehiago eta bost aldiz lehorte gehiago egongo dira. Lau gradu gehiagorekin, hiri batzuk (Miami edo Alexandria, besteak beste) desagertu egingo dira", gaineratu du.
Guterres: "Aski da"
Antonio Guterres NBEko idazkari nagusiak, bere aldetik, dei egin dio nazioarteari 2030. urterako CO2 isuriak gutxienez % 45 murrizteko, "hondamendia saihesteko".
"Aski da. Ez dezagun ingurumena tratatu komuna izango balitz bezala", aldarrikatu du Guterresek inaugurazio ekitaldian.
Horren esanetan, goi-bileraren helburuetako batzuk berotzea 1,5 ºC-ra mugatzea eta 2030erako gas isuriak % 45 murriztea izan beharko lirateke.
NBEko buruak erregai fosilekiko "mendekotasuna" amaitzea eskatu du, horiek "muturreko egoera batera" bultzatu dutelako gure planeta, eta Lurraren tenperatura mende honetan 2,7 ºC igoko dela ohartarazi du.
Biden: "Hamarkada honek hurrengo belaunaldiak baldintzatuko ditu"
Joe Biden AEBko presidenteak adierazi du goi-bilera "norabide aldaketa" izango beharko litzatekeela klima-aldaketaren "mehatxua"ri aurre egiteko.
"Hamarkada honek hurrengo belaunaldiak baldintzatuko ditu. Hamarkada erabakigarria da berotze globala 1,5 gradura mugatzeko helburuari eusteko", esan du.
Agintari estatubatuarraren esanetan, klima-aldaketa "ez da hipotetikoa", dagoeneko eragina du pertsona askoren egunerokoan, suteen, oholdeen eta lehorteen ondorioz.
Espainiak igo egingo du finantziazio klimatikoa
Bestalde, Pedro Sanchez Espainiako Gobernuko presidenteak iragarri du % 50 igoko duela garapen bidean dauden herrialdeentzako finantziazio klimatikoa. Helburua da 2025etik 1.350 milioi euroko ekarpena egitea.
Agintariak adierazi duenez, herrialdeek anbizio klimatikoa handitzen badute, "baliabide gehiago emanda" erakutsi behar dute. Horregatik, nazioartean 100.000 milioi dolarreko ekarpenak biltzea izango litzateke iparraldeko eta hegoaldeko herrialdeen arteko "mesfidantzak" konpontzeko modu egokiena.
COP26 goi-bilerak azaroaren 12ra arte iraungo du, eta, bertan, herrialdeek konpromiso berriak adostu beharko lituzkete mende honetako berotzea gehienez ere 1,5 ºC-koa izan dadin.
Albiste gehiago mundua
Israelek ziurtatu du Abu Obaida, Hamasen beso armatuaren bozeramailea, hil duela larunbat honetan Gazan izandako eraso batean
Armada eta inteligentzia zerbitzuak zoriondu ondoren, Katzek Gaza hiriko okupazioarekin jarraitzeko eskatu die. Brigadek eta Hamas mugimenduak ez dute balizko erailketa horri buruzko adierazpenik egin.
Ukrainako Odesa hiriari eraso dio Errusiak, eta 29.000 etxebizitza argindarrik gabe utzi ditu
Halaber, gutxienez hiru zibil hil eta sei zauritu ditu azken 24 orduetan Donetsk eskualdearen aurka egindako erasoetan.
Global Sumud Flotilla Gazara bidean da jada, 22 ontzi eta 300 pertsona baino gehiagorekin
15:30ean abiatu da Bartzelonako portutik, gutxienez 44 herrialdetako ordezkariekin, lau euskal herritar tartean, Gazako genozidioa eta blokeoa salatzeko helburuarekin. 5.000 pertsona inguru elkartu dira Bartzelonako portuan, flotillari babesa eman eta agurtzeko.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.