Dimisio-olatuaren erdian, kontserbadoreek Johnsonen aurkako zentsura-mozioa eskatu dute
Boris Johnson lehen ministro britainiarraren bost aholkularik dimisioa aurkeztu dute 48 orduko tartean. Horrek presio gehiago ipini du Johnsonengan; izan ere, haren kargua kolokan dago pandemia garaian Downing Streeten ospatutako festak direla eta. Bitartean, beste diputatu kontserbadore bat batu zaie haren aurkako zentsura mozioa eskatzen dutenei.
Elena Nazoranski aholkularia izan da kargua uzten azkena, aspalditik aholkulari izandako Munira Mirzari jarraituta. Jimmy Savillen sexu-abusuen kasu entzutetsuan Johnsonek Keir Starmer oposizioko liderraren aurka botatako irainengatik dimititu du Mirzak.
Haren atzetik etorri dira Dan Rosenfield, Martin Reynolds eta Jack Doylen kargu-uzteak, festen eskandaluan nahasita baitzeuden guztiak.
Prentsa britainiarrak ezagutzera eman duenez, Johnsonek mitina egin du ostiral honetan haren langileen aurrean, eta aldaketa "ona" dela adierazi die. Bere taldearekin batera aitortu du bere karguak "erronka-garai" bati aurre egin behar diola.
Bitartean, hazten darrai Johnsonen aurkako zentsura-mozioa eskatzen ari diren 'tory' diputatuen kopuruak. Ostiral honetan Aaron Bell kontserbadoreak berretsi duenez, zerrenda horri batuko zaio. Bellek Johnsonen aurka egin zuen aurreko astean festak zirela eta, eta orain Twitter bidez azaldu du lehen ministroaren jarrera "eutsiezina" dela.
17 diputatu kontserbadorek eskaerak aurkeztu dizkiote jada Graham Brady 1922 Batzordeko liderrari. Gutxienez 54 behar dituzte mekanismoa martxan jartzeko.
Pandemia garaian Downing Streeten ospatutako festen inguruan Sue Grayk kaleratutako txostenaren arabera, Johnsonen Gobernuak "lidergo eta burubide akatsa" izan zuen. Gainera, azpimarratu du bileren inguruan agertutako jokabidea "zaila" dela justifikatzen.
Johnsonek barkamena eskatu du baina, unera arte, ez du dimititzeko asmorik azaldu.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.