Juana Ruiz kooperante espainiarra aske utzi du Israelek, 10 hilabete preso eman eta gero
Juana Ruiz espainiar langile humanitarioa aske geratu da gaur Israelen, 10 hilabetez herrialde hartan preso egon eta gero. Baldintzapeko askatasuna eman diote, hain zuzen ere, eta zigorra Zirjordanian duen etxean bete ahal izango du.
"Seguru aski gauza asko dago esateko, baina orain behar dudana da atsedena, psikologikoki eta fisikoki osatzea eta familiarekin berriz egotea", adierazi du, Yeningo postu militar israeldarrean. Bertara eraman dute Espetxe zerbitzuek, Damongo espetxetik (Haifa herria, Israelgo iparraldea) atera eta gero.
Azaroaren 17an, Israelgo auzitegi militar batek 13 hilabeteko kartzela zigorra eta 14.000 euroko isuna ezarri zizkion Juana Ruizi, Fiskaltzarekin akordioa lortu ondoren.
Defentsak eta Fiskaltzak akordioa lortuta, kooperantearen aurkako karguak bostetik bira murriztu ziren: legez kanpoko erakunde bati laguntzea eta dirua jaso eta legez kontra Zisjordanian sartzea.
Ruiz Sanchezek 63 urte ditu, eta 80ko hamarkadatik bizi da Zisjordania okupatuan. Duela hamarkada batzuetatik, Osasunerako Lan Batzordeen proiektuen koordinatzaile gisa ari da lanean. Gobernuz kanpoko erakunde palestinar horrek laguntza ematen die herritarrei osasunaren eta garapenaren arloan, eta, aldi berean, haien eskubideen alde egiten du.
Hunkituta, ez duela ezer ulertzen adierazi du gaur, eta eskertu egin du jasotako babesa.
Horren esanetan, atxilotu zuten egunean goizadeko bostetan sartu ziren millitarrak haren etxean, eta atxilotuta eraman zuten. "25 soldadu sartu ziren 60 urtetik gorako hiru pertsona geunden etxe batean", zehaztu du. "Ez diogu inori min egin!", gogorarazi du.
Orain, Beit Sahur herrian duen etxean beteko du espetxe zigorra.
Zure interesekoa izan daiteke
Hungariak Orbanen aroa ixteko aukera izango du igandean
Peter Magyar liberalak (inkestetan faborito argia da) garaipen sendoa behar du lehen ministro ohiak 16 urteko agintaldian altxatutako egiturak aldatzeko.
'Orion' ontzia itsasoratu da jada, eta amaitu da Artemis II misioa, 50 urtean Ilargira egindako lehen bidaia
Lau astronautak (Reid Wiseman, Victor Glover, Christina Koch eta Jeremy Hansen) osasun egoera onean daudela baieztatu du NASAk.
Artemis II misioko astronautak prest dira 02:07an Kaliforniako kostaldearen parean itsasoratzeko
Hego Euskal Herriko 02:07an, NASAren aurreikuspenen arabera, San Diegoko (Kalifornia) kostaldean itsasoratuko da Orion espazio ontzia.
Ekuadorrek % 50etik % 100era igoko ditu Kolonbiako inportazioen muga-zergak, merkataritza-gerra gogortuz
Noboaren gobernuaren arabera, "segurtasun nazionala" bermatzeko hartu dute erabakia, eta "erantzukizun partekatua indartzea du helburu, mugan narkotrafikoaren presentziari aurre egiteko". Petroren ustez, neurri hori "gehiegikeria" da, eta "errespetua" eskatu du "narkotrafikoak eraildako 200.000 kolonbiarrentzat".
Israelek iragarri du Hezbollahko buruzagiaren idazkaria eta iloba hil duela
Hildakoa Ali Yusef Harshi da, Naim Qassemen iloba.
Iranek itxi egin du Ormuzko itsasartea, hainbat orduz irekita egon ondoren
Itsasartea irekita egon da hainbat orduz. Itsasoko trafikoa monitorizatzen duten plataformek mugimenduak atzeman dituztela adierazi dute. Hala ere, Israelek Libanori egindako erasoaren ostean, Irango agintariek berriro etenarazi dute petrolio-ontzien nabigazioa, Guardia Iraultzailearekin lotutako Fars agentziak jakinarazi duenez.
Milaka indigena Brasiliara iritsi dira, 2026ko Lur Librea Kanpamentuan parte hartzeko
Brasilgo indigenek martxa bat egin dute Brasilgo Kongresu Nazionalera euren eskubideak aldarrikatzeko, Brasilian urtero egiten duten kanpaldiaren testuinguruan.
Israelek gutxienez 250 pertsona hil ditu Libanoren aurka egindako "erasorik handienean", su-etena izan arren
AEB eta Iranen artean bitartekari lanak egin dituen Pakistanen arabera, Libanori ere eragiten dio tregoak. Benjamin Netanyahu Israelgo lehen ministroak, ordea, akordiotik kanpo utzi du herrialdea.
Iranen bake-plan proposamenaren hamar gakoak
Iranek arma nuklearrak ez fabrikatzeko konpromisoa hartu du, eta bere kontrako zigor guztiak kentzea eta jasandako kalteak konpentsatzeko funts bat sortzea eskatu du. Horiek dira, besteak beste, Teheranek AEBrekin gerra amaitzea negoziatzeko aurkeztu duen planaren puntuak.
AEBk eta Iranek bi asteko su-etena adostu dute, Ormuz ireki egingo dutela bermatuta
Pakistanen bitartekaritzak su-eten akordioa lortzea ahalbidetu du. Ituna berehala sartuko da indarrean, eta Islamabadeko bake negoziazioei ateak irekiko dizkie.