Zibilen aurkako erasoak gordindu egin dira Ukrainan
Errusiako tropek bonbardaketekin jarraitu dute astelehen honetan ere, Kiev, Ukrainako hiriburua, konkistatzeko kanpaina gogorrean. Hiru aste bete dira Ukrainaren inbasioa hasi zenetik, eta laugarren aldiz hitz egiteko elkartu dira Kieveko eta Moskuko ordezkaritzak. Ukrainarrek, baina, ez dute negoziatzaileek aipatutako aurrerapausorik ikusten oraingoz. Kontrakoa, erasoak gogortu egin dira, batez ere, zibilen aurka.
Donetsk hirian, 23 pertsona hil eta beste 28 zauritu dira misil batek jota. Bertako agintari errusiazaleek Ukrainako Armadari egotzi diote eraso hori egin izana, baina Kievetik ukatu egin dute. Horren ildotik, Denis Pushilin Donetskeko Errepublikako presidenteak zehaztu du misilak barreiatze-bonbak zituela, eta euren defentsek eraitsi dutela.
Bestalde, Errusiako Armadak Kiev iparraldeko Obolon auzoa izan du jomuga. Etxebizitza eraikin baten aurka egin du eta bi pertsona hil dituzte. Mikel Ayestaran EITB Mediako berriemaileak bertatik bertara kontatu du erasoa. Dimitro Peskov Kremlineko bozeramaileak esan du "gerra urbanoa bada, nahitaez biktima zibil gehiago" izango direla.
Rivne eskualdean (herrialdeko iparraldea), tropa errusiarrek telebista dorre baten aurka egindako aire eraso batek gutxienez 9 pertsona hil ditu, bertako agintarien arabera.
Bien bitartean, Mariupol etengabe ari dira bonbardatzen. Iragan astean haur ospitale baten kontrako aireko erasoan, ezaguna egin zen haurdun zegoen emakumea zauritu batean irudia. Bada gaur jakitera eman dutenez, ama eta haurra hil egin dira, AP agentziak baieztatu ahal izan duenez.
Gerran guztira 90 ume hil dira Ukrainako Fiskaltzaren esanetan, horietatik gehienak ondorengo eskualdeetan: Kiev, Kharkov, Donetsk, Txernigov, Sumy, Jerson, Mikolaiv eta Yitomir.
Osasunaren Mundu Erakundeak, bestalde, Ukrainako osasun-zentroen aurkako 31 eraso baieztatu ditu.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.