Hamarkada honetan EBren gaitasun militarra areagotzeko estrategia onartu dute
Europar Batasuneko estatu kideek Defentsa estrategia komuna onartu dute astelehen honetan. Hamarkada honetan EBren gaitasun militarra areagotzeko eta Defentsa arloan esfortzuak hobeto koordinatzeko helburua dute.
Atzerri eta Defentsa ministroek 'Iparrorratz estrategikoaren' azken zirriborroa adostu dute Bruselan egindako bileran, iturri diplomatikoek jakitera eman dutenez.
Esaterako, krisi egoeren aurrean soldaduak azkar zabaltzeko gaitasuna izan nahi du EBk.
Konkretuki, 2025ean 27 estatu kideek tropak zabaltzeko gaitasuna izatea nahi dute agintariek. Estatuburuek eta gobernuburuek dokumentua berretsi behar dute orain, osteguneko goi-bileran.
Egitura finkorik gabe, estatu kideek 5.000 soldadu arteko indarra osatzeko baliabideak eskaintzea espero da.
Lehentxeago, urte bukaerarako, EBko herrialdeek operazio agertokiak eta Defentsa planak adosteko konpromisoa hartu dute, 2023an maniobra militarrak egiten hasteko asmoz, prestakuntza eta elkarreragintasuna areagotzeko.
Ukrainako gerra
Horrela, EBren segurtasunari eta Defentsari bultzada berria ematea adostu dute, Europako estrategiaren arabera, "joera geopolitiko eta aurkako inguruabarrei aurre egiteko erantzukizun handiagoa hartzea beharrezkoa delako", Ukrainako gerrak agerian utzi bezala.
Une oro, estrategia NATOren osagarri bezala planteatzen da. 'Iparrorratz estrategikoak' azpimarratu duenez, bi erakundeen arteko lankidetza "funtsezkoa da segurtasun euroatlantikoarentzat, Ukrainan Errusiaren erasoaldiak begi-bistan utzi bezala".
Defentsa liburu zuri bat izateko ideia duela bi urte mahai gainean jarri zuten EBko buruzagiek, baina Europan gerra piztea beharrezkoa izan da onartzeko.
Are gehiago, Ukrainako krisia behin baino gehiagotan aipatzen da dokumentuan. Ministroen esanetan, "Batasunetik kanpo eta barruan indar armatuen mugikortasun militarra" hobetzeko beharra argi utzi du Ukrainako gerrak.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".