Errusiako Armadak uko egin dio Ukraina osoan erasotzeari, eta Donbass eskualdea izango du "lehentasun"
Errusiako Armadako goi-agintariak amaitutzat eman du ostiral honetan otsailaren 24an Ukrainan abiatutako "operazio militar bereziaren" lehen etapa, eta iragarri du orain Donbass eskualdea izango duela "lehentasun".
Sergei Rudskói koronel jeneralak, Errusiako Indar Armatuen Estatu Nagusiko buruaren ondokoak, prentsaurrean esan duenez, "oro har, operazioaren lehen etapako misio nagusiak bete dira".
Ukrainako Indar Armatuen borroka-potentziala "nabarmen murriztu" dela azaldu du, eta horrek orain ahaleginak helburu nagusia lortzean jartzea ahalbidetzen duela: "Donbassen askapena".
Rudskoik adierazi duenez, zortzi urtez, Ukrainako indar bateratuek Donbasen egindako operazioaren eremuan, defentsa mailakatuko lerro sendo bat prestatu zuten, hormigoizko gotorlekuekin.
Gaineratu duenez, Errusiaren eta Donetskeko eta Luhanskeko errepubliketako bajak minimizatzeko, eraso-ekintzen aurretik etsaiaren gotorlekuen eta erreserben aurka jotzen da.
Operazio militarra hasi zenetik bigarren aldiz, Moskuk bere baja militarren inguruko zifrak eskaini ditu gaur: 1351 militar hil eta 3825 zauritu dira errusiar aldean.
Zifra berria martxoaren 2an Errusiako Defentsa Ministerioak emandakoa baino ia hiru aldiz handiagoa da, orduan 498 pertsona ziren hildakoak.
Bitartean, Ukrainako bandoan hildakoak 14.000 baino gehiago izango lirateke, Rudskoiren arabera.
Horietatik, 7.000 baino gehiago Donbasen izandako borroketan hil dira. Izan ere, Errusiako aginte militarraren arabera, errusiazaleek Donetskeko lurraldearen % 54 eta Luhanskeko % 93 kontrolatzen dute.
Ukrainaren arabera, 16.100 baino gehiago dira Errusiako armadako hildako soldaduak.
Ukrainak dio Armadak kontraerasoa egin duela
Ukrainako agintariek adierazi dutenez, Armadak kontraerasoa abiatu du Kiev hiriburuko eskualdean, eta borrokaldi nagusiak Berishevka, Hostomel eta Irpin hirietan izaten ari dira.
"Gure lerroak mantentzen ari gara, eta Kieveko eskualdean kontraerasoak abiatzen", azaldu du Vadim Denisenko Barne Ministerioko aholkulariak. Hala, nabarmendu du ukrainar tropek 300 errusiar militar baino gehiago hil dituztela eta azken egunean zehar hamabi tanke, hamar ibilgailu blindatu eta zenbait hegazkin suntsitu dituztela, UNIAN albiste agentziak jaso duenez.
Era berean, Vladimir Borisenko Borispil hiriko alkateak iragarri du indar ukrainarrek Lukianovka udalerria berreskuratzea eta "etsaiaren okupazioarengandik" libratzea lortu dutela. "Lukianovka askatu egin da. Une estrategikoa da hau, etsaia erdira zatitzea lortu dugulako, eta erabat adoregabetuta eta desorientatuta dagoelako", esan du Borisenkok.
Ildo beretik, Erresuma Batuko Defentsa Ministerioak adierazi du tropa ukrainiarrek lurraldea berreskuratzea lortu dutela, Kiev ekialdetik 35 kilometrora, zenbait "kontraerasoren" testuinguruan.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.