Butxan izandako sarraskia argitzeko ikerketa independentea abiatzea eskatu du NBEk
Ukrainako Butxa hirian Errusiako Armadak egindako sarraskia ikertzeko eskatu du Antonio Guterres Nazio Batuen Erakundeko idazkari nagusiak, gerra krimenak egin ote ziren argitzeko.
NBEren Segurtasun Kontseiluaren bileran egindako agerraldian, Guterresek azpimarratu du ezinbestekoa dela ikerketa "independente bat" abiatzea gertatutako argitzeko eta ondoren ardurak eskatu ahal izateko.
Ukrainako inbasioak munduko bakea arriskuan jar dezakeela ohartarazi du eta gatazka horri amaiera ematea "inoizko erronkarik" handienetakoa dela erantsi du.
Hilabete bakarrean, 10 milioi errefuxiatuk egin dute ihes Ukrainatik. Guterresek zehaztu du Bigarren Mundu Gerratik eman den behartutako pertsona mugimendurik handiena izan dela.
Errusiako ordezkari Vasili Nebenziak, berriz, ukatu egin du Errusiako Armadak zibilak hil dituenik Butxan eta akusazioak "oinarririk gabekoak" direla gaineratu du.
"Zekenkeria da militar errusiarrak horretarako gai direla pentsatzea", adierazi du bileran.
Bestalde, Volodomir Zelenskik bideokonferentzia bidez hartu du parte batzarrean eta nazioarteko komunitateari aurpegiratu dio ez duela nahikoa egiten Errusiak abiatutako gerra amaitzeko.
"Zein da erakunde honen helburua? Bakea mantentzea eta defendatzea da bere eginkizuna, baina ezer egingo ez bada, hobe desegiten bada", deitoratu du.
"Segurtasun Kontseilua badago, baina non daude bakea eta erakunde horren bermeak?", galdetu du.
Gauzak horrela, Nazio Batuen Erakundearen antolakuntza eredua aldatzea proposatu du, Ukraina jasaten ari den moduko erasoei aurre egin ahal izateko.
Zelenskik esanetan, NBEk ez du nahikoa egiten Ukrainan bakea bermatzeko, eta beste herrialde asko ere bakarrik utzi dituela salatu du, besteak beste, Libia, Somalia, Afganistan eta Yemen aipatu ditu.
"Tiranoei aurre egin izan balitzaie, bake justua bermatuta izango genuke eta, agian, ni herrian ez zen gerrarik izango", azpimarratu du.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".