EBk Errusiako petrolioa jomugan du orain, eta AEBk Putinen eta Lavroven alabei zigorrak ezarri dizkie
Sektore energetikoaren aurkako zigorrak aplikatzen jarraitzea berretsi du Europar Batasunak astearte honetan. Horrela, Errusiaren ikatzari blokeoa ezartzea proposatu ondoren, Moskuko petrolioaren kontrako neurriak planteatu ditu Bruselak, Butxan eta Kiev inguruko beste herri batzuetan egindako sarraskiari erantzuteko.
Europako Kontseiluaren azken bilera mintzagai izan dute Europako Parlamentuaren saioan. Charles Michel erakundeko presidenteak adierazi duenez, ikatz hornidura eteteko proposatu dituzten neurrien ostean, petrolioari eta gasari zigorrak ezartzea "beharrezkoa izango da lehenago edo beranduago", Errusiaren erregai fosilenganako menpekotasuna hausteko.
"Gerra honek begiak ireki dizkigu burujabetza sustatzearen beharrari dagokionean", nabarmendu du Belgikako lehen ministro ohiak. Zentzu horretan, Europako buruzagiek energia eta elikagai subiranotasuna indartzeko konpromisoa hartu dutela azpimarratu du.
Borrell: "Ikatza fakturaren zati oso txikia da"
Josep Borrell EBren Atzerri Politikarako goi ordezkariak Errusiaren erasoaldiari emandako erantzuna defendatu du, menpekotasun energetikoa murrizteko egitasmoak praktikara eramatea suposatzen duelako.
"Gaur ikatzarekin amaituko dugu, baina fakturaren zati oso txikia da", onartu du Borrellek eurodiputatuen aurrean, Errusiako sektore energetikoaren aurkako neurri gehiago beharrezkoak direla aditzera emanez.
AEBk Vladimir Putinen eta Serguei Lavroven alabei zigorrak ezarri dizkie
Bestalde, AEBk Katerina Tijonova eta Maria Vorontsova Valdimir Putin Errusiako presidentearen bi alabei zigorrak ezarri dizkie, baita Sergeui Lavrov Errusiako Atzerri ministroaren emazteari eta alabari ere.
Gainera, Sberbank eta Alfa Bank Errusiako banku nagusien "erabateko blokeoa" baieztatu die Joe Bidenen Gobernuko goi funtzionario batek kazetariei. Ondorioz ezin izango dute AEBn transakziorik egin.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.