Ukrainan, azken erasoaren zain dago Donbass, Mariupolek eusten duen bitartean
Ukraina errusiar tropen azken erasoaren zain dago oraindik, Donbassen. Bertan, aurrera diraute Mariupol hartzeko saiakerek, eta agintariek onartu dute zenbait soldaduk amore eman zutela, baina ez zirela mila baino gehiago, Errusiak esan bezala.
Militar ukrainarren arabera, errusiarrek "jarraitzen dute sistematikoki erasoak jaurtitzen, misil eta bonbekin, azpiegitura militar eta zibilen aurka; Kharkiv, Donetsk eta Zapariya eskualdeetan".
Gainera, Severodonetsketik hurbil, Lugansk eskualdean, dagoen talde errusiarra indartu dute, eta aurrera dirau Mariupol portuko hiriaren aurkako erasoak.
Errusiak baietsi du itsas armadako beste 134 infantek amore eman zutela Mariupolen asteazken gauean. Hala, 1.160 lirateke azken orduetan "borondatez" armak utzitako militar ukrainarrak.
Bestalde, Erresuma Batuak, egunero Ukrainako egoerari buruzko txostenak argitaratzen dituekarik, adierazi du Kramatorsk eta Kostiantynivka hiriak, Donetsk eskualdean, izan litezkeela tropa errusiarren hurrengo helburuak.
Jakinarazpenaren arabera, indar ukrainarrek Mariupol defendatzen diraute, tropa eta talde errusiar ugari dauden eremu batean.
Ebakuazioei berrekin diete
Ukrainako Gobernuak ostegun honetan iragarri duenez, bederatzi korridore humanitario ireki dituzte guztira herrialde osoan, horietako gehienak ekialdeko eta hegoaldeko eremuetan, liskar ugarien aurrean itxita egon ostean.
Mariupoletik irekitako korridorea da problematikoena. Ia erabat hondatu dute bonbardaketek eta, agintarien arabera, 120.000 biztanle gelditzen dira bertan.
Errusiako Defentsa Ministerioak dio egunero jasotzen dituela Errusiara lekualdatu nahi duten ukrainarren ehunka eskaera. Kievek, bitartean, Moskuri leporatu dio ukrainarrak indarrean erbesteratzea.
Ukrainar iturrien arabera, milaka pertsona, adingabe asko tartean, lekualdatu dituzte indarrean Mariupoletik Errusiaren kontrolpeko eremuetara. Horietako batzuek bide hori hautatu zuten, ezin izan zutelako Kieveko autoritateen kontrolpeko ukrainar eremura iritsi.
Tentsioa, mugetan eta itsasoan
Gainera, Errusiak berriz egotzi dio ostegun honetan Ukrainari helikopteroekin bi herrialdeen arteko eremu mugakideak eraso izana. Gertakari horiek larritasun desberdinetako zortzi zauritu utzi dituzte.
Moskuk ohartarazi zuenez, eraso horiek Kiev gaineko zigor kolpea eragin lezakete.
Bitartean, Vitali Klitschko Kieveko alkateak hiritik atera zien biztanleei eskatu die oraindik ez itzultzeko, Ukrainako hiriburua larrialdi egoeran dagoelako eta ez delako erabat segurua.
Era berean, Ukrainak ziurtatu du "kalte larriak" eragin dituela 'Moskva' Itsaso Beltzeko errusiar Flotaren Moskva ontzi intsignian, Neptune misilekin eraso egin ostean. Ondoren, hondoratu egin da, portura eramaten ari zirenean.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.