Errusiak Azovstal altzairutegiaren aurkako erasoak areagotu dituela salatu du Ukrainak
Azken orduetan, Errusiako tropek areagotu egin dituzte Mariupol hiri setiatuan dagoen Azovstal altzairutegiaren aurkako erasoak, eta aurrera egin dute Donetsk eta Luhansk eskualdeak kontrolatzeko helburuan, Ukrinform albiste agentziak argitaratutako Ukrainako Armadaren Goi Agintearen azken txostenaren arabera.
Errusiako Gobernuak, bere aldetik, esan du bere indar militarrek Vladimir Putin presidenteak altzairutegiari erosik ez egiteko emandako agindua betetzen jarraitzen dutela; halere, onartu du lantegia blokeatuta dutela oraindik. Hala, aditzera eman nahi izan du inguruko ebakuazioak errazteko agindutako hiru eguneko su-etenari eusten diola.
Azovstal mendean hartzeko erasoa bertan behera uzteko agindu zuen Putinek apirilaren 21ean, bajak saihesteko. Halere, 11 kilometro koadroko industrialdea blokeatzeko eskatu zuen, "inor ere atera ez dadin". Bien bitartean, Errusiak Mariupol kontrolatzten jarraitzen du.
"Garaipena" irudikatu nahian
Ukrainako Gobernuaren arabera, maiatzaren 9an, Alemania naziaren gaineko Garaipen Eguna ospatu nahi du Errusiak Mariupolen. Horretarako, "bertako biztanleak okupazio-tropei harrera nola egiten dieten irudikatu nahi dute Errusiako telebistan". Bestalde, Viktor Orban Hungariako lehen ministroak Frantzisko aita santuari esan dionez, Putinek egun horretan amaitu nahiko luke inbasioa, hiria erabat hartu ondoren.
Bitartean, Azovstal altzairutegia Ukrainako erresistentziaren azken gotorlekua da Mariupol hiri estrategikoan. Han daude oraindik ehunka zibil, haurrak barne, otsailaren 24an Errusiaren inbasioa hasi zenetik gotortuta, nahiz eta batzuk dagoeneko atera ahal izan diren NBEk eta Gurutze Gorriak babestutako ebakuazio-operazio bati esker.
Ebakuazio humanitarioak
Nazio Batuen Erakundeak (NBE) lehentasun nagusi bihurtu ditu gerrak gehien zigortutako eremuetako zibilak ebakuatzeko operazioak, batez ere Mariupol hirikoak, gatazka armatuaren ondorioz herrialdean bizi diren izugarrikeriak salatzen jarraitzen duen bitartean.
Erakundearen esanetan, ostegun honetan beste misio bat jarri du martxan Mariupolen eta Azovstal altzairutegian izandako borroketan harrapatutako jendea ateratzeko. Operazioa Gurutze Gorriaren Nazioarteko Batzordearekin (CICR) batera egiten ari da, aste honetan egin diren beste bi operazioekin batera. Horiei esker, ia 500 pertsona ebakuatu dituzte jada, eta horietatik 100 inguru gutxienez lantegian zeuden.
Gatazka hasi zenetik, NBEk bere burua mugatuta ikusi du Ukrainan, Errusiak betoa jartzeko aukera izateak Segurtasun Kontseiluko edozein ekintza blokeatzen duelako eta Moskuko gobernuak ez duelako NBEko idazkari nagusi Antonio Guterres inpartzial gisa ikusten; ondorioz, ez du bakea negoziatzeko bitartekari gisa onartu.
Hala, bere zeregina alderdi humanitarioan oinarritzearen aldeko apustua egin du erakundeak, ahal duen neurrian laguntza-hornidura eta zibilen ebakuazioak koordinatuz.
Albiste gehiago mundua
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Bilera erabakigarria gaur Etxe Zurian Ukrainaren etorkizunerako
Zelenski, Europako eta NATOko buruzagiekin batera, Trumpekin bilduko da. AEBko presidenteak esan du gerra "ia berehala" amaitu daitekeela Ukrainak Krimeari eta NATOri uko egiten badie.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).