Emakume bat hil da eta bederatzi pertsona larri zauritu dira Berlinen, auto batek harrapatuta
Gutxienez emakume bat hil da eta bederatzi pertsona larri zauritu dira Berlinen, ibilgailu batek harrapatuta, agintariek baieztatu dutenez. Gertakaria Alemaniako hiriburuaren Kaiser Wilhelm eliza inguruan jazo da.
Poliziak eta suhiltzaileek pertsona baten heriotza baieztatu dute. Gainera, suhiltzaileek zehaztu dutenez, sei pertsonaren bizitza arriskuan dago. Beste hiru pertsona larri zauritu dira, eta hainbat arin zauritu dira, DPA albiste agentziak jakinarazi duenez.
Poliziak azaldu duenez, gidariak, 29 urteko gizon batek, pertsona talde bat harrapatu du, denda bateko erakusleiho baten aurka talka egin baino lehen. "Oinezkoen talde batek gidaria atxiki eta larrialdi zerbitzuen esku utzi du", erantsi du.
DPAren arabera, ibilgailu barruan gutun bat aurkitu dute ikertzaileek, non gidariak bere asmoak argi uzten zituen. "Zalantza barik, ez da istripu bat izan", esan du Bild egunkariak aipatutako iturri batek, baina oraingoz ez dute arrazoi politikorik ikusten eta, printzipioz, "hiltzaile" bat dela adierazi dute.
Gertakaria Kurfürstendamm etorbidean jazo da, Alemaniako hiriburuaren merkataritza gune ospetsuenean. Gidaria ibilgailuarekin espaloira igo da, pertsona talde bat harrapatuz. Ondoren, 200 metro inguru aurrera egin, errepidetik atera eta lurrin-denda bateko erakusleihoaren kontra talka egin du.
DPAk bildutako informazioaren arabera, adingabe talde bat biktimen artean legoke. Ikastetxe bateko ikasleak lirateke, baina Poliziak ez du xehetasunik eman. Hildakoa Hesseko eskola bateko andereño bat zen, Iris Spranger bertako funtzionarioak ziurtatu duenez.
Hain zuzen ere, 2016ko Gabonetan, inguru horretan bertan gidari batek "nahita" hainbat pertsona harrapatu zituen, eta horietako 12 hil egin ziren.
Albiste gehiago mundua
Sumud ontzidiko 473 atxilotu Israelgo hegoaldeko espetxe batera eraman dituzte
Oraindik ez dute jakinarazi zenbat pertsona deportatu dituzten jada eta zenbat geratu diren epai zain, atxilotuek bi aukera horiek baitituzte. Italiako Atzerri Ministerioak jakitera eman duenez, flotillako parlamentari eta eurodiputatu italiarrak Tel Aviveko aireportura eraman dituzte, handik Erromarako hegaldi erregular bat hartzeko.
Hamasek "laster" iragarriko du Trumpek Gazarako duen planari emango dion erantzuna, baina "mehatxuak eta presioak" salatu ditu
Akordioak lortzeko konpromisoa berretsi du, "denbora odola baita".
Israelek Sumud Flotillako 443 kide atxilotu eta Beersebako espetxe batera eramango ditu ondorengo orduotan
Aurrena, Asdodeko portura eraman dituzte flotillako kideak, eta handik, Beersebako espetxe batera eramatea da Israelgo Gobernuaren asmoa.
Hiru hildako eta hiru zauritu larri sinagoga baten ondoan izandako eraso batean, Manchesterren
Hildakoetako bat erasotzailea bera da. Poliziak tirokatuta hil da. Keir Starmer Erresuma Batuko lehen ministroak aitortu du "atsekabetuta" dagoela erasoarekin, eta azpimarratu du gertatutakoa "are lazgarriagoa" dela Yom Kippur egunean egin delako; juduentzako egunik sakratuenean egin baita, alegia.
Jane Goodall primatologo, etologo eta antropologo britainiarra hil da, 91 urte zituela
Primateetan aditua, "Lady Chimpanzee" izenez ezaguna da txinpantzeekin egindako lanagatik. Haren izena daraman Institutuak jakinarazi du berez hil dela, Kalifornian (Ameriketako Estatu Batuak).
Albiste izango dira: Israelek Global Sumud Flotilla geldiarazi du, EITB Focus eta EITB Maratoiaren aurkezpena
Gaurkoan Orain-en albiste izango direnen laburpena, bi hitzetan.
Milaka pertsona irten dira kalera Italian Flotilla atzeman dutela salatzeko
Italiako hiriburuko erdigunean 10.000 pertsona inguru bildu dira manifestazioan, hango hedabideen arabera. Italiako sindikatu nagusiak, CGILek, greba orokorra deitu du ostiralerako, "herritar italiarrak zueden ontzien aurkako erasoa" salatzeko.
Israelgo Armadak Global Sumud Flotillako hainbat ontzi abordatu ditu
Flotillak baieztatu duenez, gutxienez 'Alma' eta 'Sirius' ontziak abordatu dituzte. Azken horretan, Ada Colau Bartzelonako alkate ohia doa. Instagrameko mezu batean adierazi dutenez, tripulatzaileen segurtasuna berresteko lanean ari dira. Italiako Defentsa ministroak adierazi du ontzidia inguratuta dagoela eta Ashdodera (Israel) eramango dutela.
Hamasek Trumpen Gazarako plana aztertzen jarraitzen du, baina Israelek erabat beteko duela bermatzea eskatu du
Negoziazioen berri duten iturrien arabera, Palestinako mugimenduak bermeak eskatzen dizkie bitartekariei; Israelek su-etena urratuko ez duela eta Gazatik aterako dela ziurtatu nahi du.
Gaza erabat setiatzear dagoela esan du Israelek, eta ihes egiteko "azken aukera" eman die gazatarrei
"Hegoalderatz joatea da Gazako biztanleek duten azken aukera, Hamaseko terroristak Gazako hirian isolatuta utzita, Israelgo Indar Armatuen jarduerek jarraituko dutelako", ohartarazi du Israel Katz Israelgo Defentsa ministroak.