Aljeriaren erabakiaren ondorioak aztertuko ditu Espainiak, EBren aurrean salatzerik duen ikusteko
Aljeriak Espainiarekiko duen saleroste jarduera eteteko hartutako erabakiak izan ditzakeen ondorioak aztertzen ari da espainiar Gobernua, magrebtar herrialdea Europar Batasunaren aurrean salatzerik duen ikusteko, Hogeitazazpien eta Aljerren arteko Akordioa bete ez izanagatik.
Jose Manuel Albares Kanpo Arazoetako, Europar Batasuneko eta Lankidetzako ministroak ostegun honetan EBren eta Aljeriaren arteko itunari buruz adierazi duenez, "zehatz-mehatz" aztertzen ari dira "neurri honek nazio eta Europa mailan izan ditzakeen ondorioak eta irismen praktikoa".
Ministroak aurreratu duenez, behin azterketa hori amaituta, Gobernuak "behar bezalako erantzuna emateko" gaitasuna izango du. Kanpo Arazoetako ministroaren esanetan, erantzun hori "lasaia eta konstruktiboa izango da, baina baita Espainiaren eta enpresa espainiarren interesekiko irmoa ere".
Emaitzaren arabera, Gobernuaren aukeretako bat litzateke Aljeria EBren aurrean salatzea, 2005ean indarrean sartutako elkartzeko ituna ez betetzeagatik. Nolanahi ere, Gobernuko iturriek Europa Press agentziari helarazi diotenez, "ez da ezer aurreratu behar".
Salaketarako oinarria
Printzipioz, Espainiak "Ordainketa korronteak eta kapital zirkulazioa" testuko IV. tituluko 1. atalari heldu liezaioke Aljeria salatzeko. Bertako 38. artikuluak xedatzen duenez, "alde biek hartu behar dute transakzio korronteei dagozkien ordainketekiko konpromisoa, nahieran bihurtu daitekeen txanpon baten bitartez".
Bestalde, itunaren aplikazio eta interpretazioari dagokienez desadostasunik izanez gero, EBk eta Aljeriak testuan adierazitako Elkarte Batzordera jo dezakete. Hori desadostasuna konpontzen saia daiteke, "erabakiaren bidetik"; 100. artikuluaren arabera alde biek bete behar dutelarik. Europako Batzordeko eta Europar Batasuneko ordezkariek osatzen dute, batetik, eta Aljeriakoek, bestetik.
Erabakirik adostu ezean, aldeetako bakoitzak epaile baten izendapenaren berri eman beharko dio besteari. Beste horrek, berriz, bere epailea izendatu beharko du bi hilabeteko epean, eta Elkarte Batzordeak hirugarren bat izendatuko du. Hiruren artean, gehiengoaren erabaki bat hartu behar lukete, alde biek bete beharrekoa.
2020an ere aurkeztu zuen Europar Batasunak Elkartzeko Akordioak eskaintzen duen esparruaren aurkako helegitea. Izan ere, 2015ean Aljeriarekin gatazka izan zen, urte horretatik 1.500 milioi euroko murrizketak ezartzen baitizkie herrialdeak inportazio europarrei.
Tradizioz, Europar Batasunak Munduko Merkataritza Antolakundera (MMA) jotzen du bitarteko herrialdeekin tirabirak izaten direnean, baina kasu honetan ezinezkoa da, Aljeria ez baita arbitratze-erakunde multilateral horretako kide.
Albiste gehiago mundua
Macronek lehen ministro berri bat izendatuko du asteburua baino lehen, Lecornuren gomendioa aintzat hartuta
Frantziako jarduneko lehen ministroak bere “misioa bukatutzat” eman du, eta Macroni gomendatu dio lehen ministro berria izendatzeko. Oraindik, akordiorako aukera badela sinetsita dago, eta horregatik, hauteskundeak ez aurreratzeko aholkatu dio.
Bahituen eta preso palestinarren zerrendak trukatu dituzte Gazako su-eten planaren elkarrizketetan
Hamasek iragarri du elkartrukea elkarrizketen hirugarren egunean. AEBko Ekialde Ertainerako ordezkaria, Steve Witkoff, eta Trumpen suhia, Jared Kushner, Egiptora iritsi dira negoziazioetan parte hartzeko. Hurrengo orduetan Jihad Islamikoaren eta Palestina Askatzeko Herri Frontearen ordezkariak espero dituzte.
Susumu Kitagawak, Richard Robsonek eta Omar Yaghik irabazi dute Kimikako Nobel saria, egitura metalorganikoak garatzeagatik
2025eko Kimikako Nobel sariaren irabazleek espazio zabalak dituzten egitura molekularrak sortu dituzte, eta horietan barrena gasak eta beste substantziak kimiko batzuk jariatzen dira. Aipaturiko egitura metalorganiko horiek erabili daitezke, esaterako, basamortuko airetik ura ateratzeko, karbono dioxidoa xurgatzeko, gas toxikoak biltzeko eta erreakzio kimikoak katalizatzeko.
Israelek atzeman egin ditu Gazara zihoazen Askatasunaren Flotillaren bederatzi ontziak
Gazara Bidean kanpainak salatu duenez, Israelgo Armadak "nazioarteko uretan" eraso egin die, Gazako kostaldetik 110 itsas miliara zeudela. Ontzian 140 pertsona zeuden, tartean, medikuak, kazetariak eta funtzionario hautetsiak, eta 110.000 dolar baino gehiagoko laguntza humanitarioa zeramaten. Israelek jakitera eman duenez, tripulatzaileak "onik" daude, eta "arin" deportatuko dituzte.
Albiste izango dira: Gazako bake negoziazioak, EAJ eta PSE-EEren arteko desadostasunak eta Bernedo auzia
Gaurkoan Orain-en albiste izango direnen laburpena, bi hitzetan.
Gazarako bake akordioa ostegunean edo ostiralean irits daiteke, eta Trumpek iragarriko luke
Ameriketako Estatu Batuetako eta Turkiako negoziatzaileek bat egingo dute gaur Israelen eta Hamasen arteko elkarrizketekin, eta "giro positiboan" ari dira aurrera egiten, gertuko iturrien arabera.
Ayestaran: "Asteazkenean AEBko bitartekariak batuko dira bake negoziazioetara, eta egun garrantzitsua izango da"
Israelen eta Hamasen arteko zeharkako elkarrizketen lehen bi egunetako giroa "positiboa" izan dela azaldu dute gertuko iturriek. Bihar, asteazkena, AEBko eta Turkiako bitartekariak batuko dira negoziazioetara, eta egun "garrantzitsua" izango dela diote adituek. Hainbat hedabideren arabera, baliteke ostegun edo ostiralean behin behineko akordio bat izatea mahai gainean, eta hori, Donald Trump presidente estatubatuarrak iragarriko luke. Bideoan, Mikel Ayestaran kazetariaren kronika.
AEBko eta Turkiako bitartekariak asteazken honetan batuko dira Gazako bake negoziazioetara
Orain arteko elkarrizketen diskrezioa erabatekoa bada ere, gertuko iturriek baieztatu dute giroa "positiboa" dela. Egiptoko hainbat hedabidek zabaldu dutenez, baliteke ostegun edo ostiralean behin behineko akordio bat izatea mahai gainean.
Aitor Zabalgogeaskoa: "Egoera antzekoa da Gazan, baina janari gehiago sartzen ari da azken egunetan"
Oso gutxi dira Gazan sartu daitezkeen atzerritarrak. Aitor Zabalgogeaskoa Getxoko medikua da horietako bat. Mugarik Gabeko Medikuak elkarteko koordinatzailea da eta bigarren aldiz laguntza ematera joan da Gazara. Ospitaleetan bizi duten egoera kontatu dio EITBri.
"Loratu egin behar gara, orain arte egindakoak, bestela, ez du ezertarako balioko"
Kissufim kibbutzean Hamasek hildako Ivan Illarramendi zarauztarraren aita-amaginarrebekin bildu gara, haren hilketaren bigarren urteurrenean. "Zauria ez da inoiz itxiko", adierazi du Dani Garcovich Illarramendiren aitaginarrebak.