Boris Johnson inoizko egoera politiko zailenean, gutxienez 30 gobernukidek dimisioa aurkeztu ondoren
Tantaka hasi ziren, baina azken orduotan zaparradan iristen ari dira dimisioak Erresuma Batuko Gobernura. Boris Johnson lehen ministroa krisi politiko sakonean murgilduta dago duela egun batzuetatik, Chris Pincher diputatu tory ohiaren sexu-jokabide desegokiaren filtrazioen inguruko azken eskandaluaren ondorioz. Polemikaren inguruan azalpen kontrajarriak eman ditu Johnsonek, eta egoera eskuetan lehertu zaio.
BBC hedabideak gaur arratsaldean jakitera eman duenez, Gobernu britainiarreko ministro garrantzitsuenek "berehala" eskatuko diote Johnsoni dimititzeko, egoera alderdiaren barruan eta Gobernuan "eutsiezina" dela iritzita. Kargua utziko ez balu, Johnsonen kargugabetzea beste bide batetik bilatuko dutela azaldu dute.
Komunen Ganberan agertu da gaur arratsaldean lehen ministroa, eta han jakin du bere alderdikideek dimisioa eskatuko diotela. Tentsio uneak bizi izan dira, baina Johnsonek ez du burua makurtu. Kargua uzteko asmorik ez duela argi utzi du. "Egoera zailetan dagoen lehen ministro baten lana, hautesleen babes sendoa badu, jarraitzea da, eta hori egingo dut", esan du.
Hauteskundeak deitzea ahalbidetuko duen galdetuta, berriz, honakoa erantzun du: "Ez dut kargua utziko, eta hauteskundeak dira herri honek behar duen azken gauza. Hauteskundeak bi urte barru izango dira".
30 dimisio baino gehiago
Orain arte, Rishi Sunak Ekonomia ministroak eta Sajid Javid Osasun ministroak aurkeztu dute dimisioa, bai eta hainbat Estatu-idazkarik eta beste ministerio-kargu batzuek ere; 28 goi-kargudun, guztira.
Berrienak Rachel Maclean, Kemi Badenoch, Julia Lopez, Mims Davies, Lee Rowley, Neil O 'Brien eta Alex Burghart Estatu-idazkariek iragarritako dimisioak izan dira.
Johnsonen gertuko aliatuen artean, Liam Fox Kabineteko ministro ohiak ere bat egin du Johnsoni kargua utz dezan eskatzen diotenekin.
Twitterren idatzitako gutun batean, Foxek adierazi du azken egunetako gertakariekin argi ikusi duela Johnsonek, "zoritxarrez" ezin duela Alderdi Kontserbadorea eta, "are garrantzitsuagoa, gure herrialdea gidatzen jarraitu".
"Zuganako leialtasuna bere kontzientziarekin adiskidetu ezingo luketen jende on gehiegi galdu dugu. Ni bat nator sentimendu horrekin", azaldu du Foxek.
Johnsonek barkamena eskatu du azken hilabeteotan izan dituen polemikengatik, baina uko egin dio dimisioa emateari.
Teorikoki, 2023ko ekainera arte ezin dute Johnsonen aurkako zentsura-mozio berririk aurkeztu baina, tory batzuk arauak aldatzearen alde agertu dira dagoeneko, urtebete itxaron beharrik ez izateko.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.