Rishi Sunak Finantza ministro ohia, aurreneko izen handia Johnson ordezkatzeko lasterketan
Boris Johnson Erresuma Batuko Alderdi Kontserbadoreko buruzagi eta lehen ministroa ordezkatzeko lasterketak lehen izen handia du dagoeneko. Rishi Sunak Finantza ministro ohiak eman du aurrerapausoa. Bitartean, gainerako faborito teorikoak aukerak aztertzen ari dira, lehian murgildu baino lehen.
Sunakek asteartean eman zuen dimisioa, Sajid Javid Osasun ministroarekin batera. Hurrengo bi egunetan dozenaka dimisio izan ziren, Johnsonek Downing Streeten ateetan agerraldia egin zuen arte.
Sunakek "konfiantza berreskuratu, ekonomia berreraiki eta herrialdea berriz batu" nahi du. "Zintzotasuna, seriotasuna eta ausardia" agindu ditu aurkezpen bideo batean, Erresuma Batuaren "erronka handiei" aurre egiteko. "Honezkero, zatiketa nahikoa izan dugu", esan du.
Gobernuko 60 kide baino gehiagok bere karguak utzi dituzte egunotan, Johnsonen kudeaketarekin nazkatuta, eta, horren ondorioz, gobernuburuak bere dimisioaren berri eman zuen atzo.
Johnsonek herrialdea bitarteko moduan kudeatzen jarraitzeak oposizioaren eta "tory" alderdiaren zati handi baten ezinegona agerian utzi du. Horren aurrean, Downing Streeteko bozeramaile batek berretsi du "konbentzioaren ildotik" jardungo dutela.
Bozeramaileak zehaztu duenez, jarduneko lehen ministroa "ez da joango Dominic Raab (lehen ministrordea) bitarteko lehen ministroa izan dadin", Johnsonen egonaldia behar-beharrezkoa baino gehiago luzatzea guztiz kaltegarria dela uste dutenek iradokitzen duten bezala.
Gobernuaren linbo moduko horretan, oraindik gobernuburu denak hurrengo orduetan ministerio-karguen izendapen gehiago iragartzen jarraituko du, azken egunetako uko egite masiboek utzitako hutsuneak betetzeko.
Abian da lidergorako lasterketa
Hautagai tory-ek Johnsonen lekua hartzeko abiatu duten lasterketak era guztietako aukerak sortu ditu, eta ez dirudi egoera uda igaro arte konponduko denik.
Besteak beste, Grant Shapps Garraioko titularra eta Tom Tugendhat Kanpo Arazoetako parlamentuko batzordeko presidentea batu dira tirabira horretara. Tugendhatek bere interesa adierazi zuen atzo gauean, alderdiari beste norabide bat emateko promesarekin.
The Daily Telegraph egunkariak argitaratutako artikulu batean, Tugendhatek, gobernuko esperientziarik ez izan arren zenbait kideren babesa jaso duenak, "gizarte-segurantzako kotizazioaren igoera errotik kentzea, erregaiaren gaineko zerga murriztea eta atzerriko inportazioetan muga-zergak altxatzea" hitzeman du.
Bere aldetik, Shapps "aukera handi" gisa deskribatu du Robert Courts aliatu eta Estatu idazkariak, bere buruak egindako "lan bikainari" buruz BBC telebista kateari egindako adierazpenetan.
Badirudi Jeremy Hunt diputatuak, Atzerri eta Osasun ministro ohiak, gauza bera egingo duela datozen egunetan.
Gaur egun, Westminsterreko korridoreetan Rishi Sunak Ekonomia ministro dimititu berriaren, Liz Truss Kanpo Arazoetako ministroaren, Sajid Javid Osasun arduradun ohiaren, Defentsako titularraren eta Ben Wallace edo Nadhim Zahawi Ekonomia ministro berriaren asmoei buruz ere hitz egiten ari dira.
Suella Braverman Estatuko abokatu nagusia eta Steve Baker Brexitaren aldeko diputatu eta covid-19tik Berreskuratzeko Taldeko presidentea ere interesatuta daude Johnson ordezkatzeko.
Gutxi balira, Priti Patel Barne ministroa, Jake Berry Iparraldeko diputatu kontserbadoreen ikerketa taldeko arduraduna eta Kemi Badenoch "junior" Estatu idazkaria, alderdiaren lerroetan sortzen ari den izartzat jotzen dena, euren aukerak hausnartzen aritu litezke.
Oposizioko buruaren aukerak
Etorkizuneko Gobernu britainiarra nork zuzenduko duen jakiteko lasterketan, garrantzi handia izan du Durhamgo (Ingalaterrako iparraldean) Poliziak gaur egindako iragarpenak: Keir Starmer buruzagi laboristari ez diote isunik jarriko, ezta Angela Rayner haren bigarrenari ere, 2021ean covid-19aren kontrako neurriak ustez urratzeagatik.
Oposizioko alderdi nagusiko buruzagiak esan zuen isuna jarriz gero dimisioa aurkeztuko zuela, eta Johnson Gobernutik berehala kentzeko zentsura-mozio batekin mehatxatu du.
Gaur, poliziak libre utzi ondoren, hauteskunde orokorretarako deialdia eskatu du.
Zure interesekoa izan daiteke
80 urte igaro dira Nurenbergeko Epaiketetatik, gizakien aurkako gehiegikeriekin amaitzea helburu zuen prozesutik
1945eko azaroaren 20an hasita, Alemaniako nazien 22 goi-kargudun epaitu zituzten Nurenberg hirian eta haietatik 12ri heriotza-zigorra ezarri zieten. Holokaustoaren antzerako izugarrikerien aurrean disuasioa zuen helburu prozesu hark baina, 80 urte geroago, helburua ez zuela bete argi dute adituek.
Estatu Batuak eta Errusia Ukrainarako bake plan bat negoziatzen ari dira sekretupean
AEBko hainbat hedabidek aurreratu dutenez, 28 puntuko zirriborroa da, besteak beste, Ukrainako bakea, segurtasun bermeak eta Europako segurtasuna jorratzen dituena.
AEBko Senatuak Epsteinen paperak argitaratzeko legea onartu du eta Trumpi bidali dio, sina dezan
Ordezkarien ganberak aldeko 427 botorekin eta kontrako boto bakarrerekin onartu du lege proiektua; horri esker demokratek eskatu ahal izan dute legea prozedura laburtu baten bitartez bideratzea, eta errepublikanoen babesarekin, beste bozketa bat egitea saihestea.
Sanchezek iragarri du 615 milioi bideratuko dituela Ukraina armatzeko, eta 202 milioi, herrialdea berreraikitzeko
Bi aldeek segurtasun-akordioa sinatu zuten iaz. Horretan, Espainiak 2025ean laguntza militarrerako guztira 1.000 milioi euro bideratzeko konpromisoa hartu zuen.
Zelenskyk eta Sanchezek Picassoren "Gernika" ikusi dute, Reina Sofia museoan
Ukrainako presidentea eta Espainiako gobernuko presidentea Picassoren obrari buruz solsatu dira. Zelenskik, hain zuzen ere, Bizkaiko hiribilduaren kontrako bonbardaketa aipatu zuen 2022an Diputatuen Kongresura egindako bisitan.
NBEko Segurtasun Kontseiluak Trumpen Gazako "bake plana" onartu du, nazioarteko indar baten hedapena barne
Hamasek errefusatu egin du ebazpenean aurreikusitako nazioarteko indarra, ohartarazi du nazioarteko misioa ez dela neutrala, palestinarren subiranotasuna urratzen duela eta erresistentzia "eskubide legitimoa" dela. Guterresek dio Gazari buruzko ebazpenak su-etena finkatu behar duela eta zehaztasuna eskatu du.
Zelenskik Espainian egingo du geldialdia, bere gobernua astintzen ari den ustelkeria auziaren erdian
Ukrainako presidentea laguntza militarra eskatzen ari zaie Europako bazkideei, Errusia guda zelaian aurrera egiten ari den honetan. Errusiako Armadak egun gutxi batzuetan hainbat herri hartu ditu Zaporizhiako frontean, Ukraina hego-ekialdean.
Trumpek jarrera aldatu du eta Epsteinen artxiboak sekretupetik ateratzearen alde bozkatzeko eskatu die errepublikanoei
"Ez dugu ezer ezkutatzeko", adierazi du AEBko presidenteak sare sozialetan. Ordezkarien Ganberan astearte honetan egingo da bozketa, baina agiriak publiko aurretik Senatuak onartu eta Trumpek sinatu behar du.
Jara ezkertiarra eta Kast ultraeskuindarra lehiatuko dira bigarren itzulian, Txileko presidente izateko
Hautagai ofizialistak botoen % 26,7 eskuratu ditu lehen itzulian, bigarren gelditu den hautagai ultraeskuindarraren aurretik (% 24,1). Hala ere, abenduaren 14ko bigarren itzuliari begira ezkerrak aukera oso gutxi ditu presidentetza eskuratzeko, izan ere, oso litekeena da eskuineko blokeak eskuin muturreko hautagaia babestea.
Hasi da boto zenbaketa Txileko hauteskunde presidentzialetan
Jeannette Jara egungo presidentearen ministro ohia izango litzateke irabazlea inkesten arabera, baina bigarren itzulira Kast edo Kaiser ultrekin joan beharko luke, eta zaila izango luke gobernatzea eskuindarrek bat eginez gero.