Israelgo Armadaren bonbardaketek hamar hildako eta 55 zauritu utzi dituzte Gazako Zerrendan
Israelen bonbardaketek gutxienez hamar hildako eta 55 zauritu utzi dituzte Gazako Zerrendan. Israelgo Armadak Jihad Islamikoko bigarrena hil du bonbardaketa batean.
Palestinako segurtasun iturriek baieztatu dutenez, Taysir al Yabari Jihad Islamikoaren erakunde armatuaren buruzagia hil dute etxebizitza eraikin bate aurkako erasoan.
Palestinako Osasun Ministerioak zehaztu du hildakoetako bat bost urteko neskato bat dela eraso berdinean.
Palestinako iturriek azpimarratu dutenez, etxebizitzen eraikinak komunikabideen eta gobernuz kanpoko erakundeen bulegoak hartzen ditu.
Al Yabariren hilketa Israelgo Armadak abiatutako erasoaldiaren markoan gertatu da. Zisjordania okupatuan, astelehenean, Jihad Islamikoko beste buruzagi bat atxilotu zuten.
Azken egunetan Israelek Gazako Zerrendaren mugak itxi ditu, baita inguruko errepide ugari ere.
Israelek aurreko erasoaldietan izandako jokabidea aldatu du; izan ere, Zerrendako talde palestinarren erasoei erantzun die orain arte, baina gaurkoan ez da aldez aurretik palestinarren erasorik izan.
Erasoaldiaren ondotik, Yair Lapid Israelgo lehen ministroak esan duenez, "Israelgo Gobernuak ez du onartuko Gazako erakunde terroristek Zerrenda alboko eremuan agenda ezartzea eta Israelgo Estatuko herritarrak mehatxatzea. Israeli kalte egin nahi dion orok jakin behar du: aurkituko dugu".
Mahmud Abbas Palestinar Aginte Nazionaleko presidenteak Israelen bonbardaketak irmo gaitzetsi ditu ohar batean. Gainera, "Abbas presidenteak nazioarteari eskatu dio, Israel Palestinako herriaren aurkako erasoa gelditzera behartzea, eta jendeari nazioartearen babesa ematea", erantsi du agiriak, Wafa Palestinako albiste agentzia ofizialak jakinarazi duenez.
Fauzi Barhum Hamas mugimenduko bozeramaileak salatu du Israelek "krimen berria egin duela". Ohar batean esan duenez, Israelek "ordaindu eta erantzukizun guztia onartu behar du". "Erresistentzia, bere fakzio eta arma militar guztiekin, borrokan baturik daude", ohartarazi du.
Era berean, Munther al Hayek Al Fatahko bozeramaileak bonbardaketa salatu du: "zibil desarmatuei eraso egin eta ikaratzea krimen berri bat da, Israelen okupazio indarrek Palestinako herriaren aurka egindako zerrenda luzean".
Ziad al Nakhala Jihad Islamikoko idazkari nagusiak Israelgo erdialdeari eraso egiteko mehatxu egin du. "Okupazioak garesti ordainduko du Gazaren aurkako erasoa, eta gaurkoaren ondotik ez dago marra gorririk, ezta bitartekaritzarik ere", adierazi du Nakhalak agiri batean. "Tel Aviv gure misilen jomuga izango da", ohartarazi du.
Yavnen, Ascalonen eta Israel hegoaldeko beste hiri batzuetan aire-erasoetako alarmak jotzen ari dira dagoeneko, baita Gazako Zerrendan ere.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.