NATOk Ukrainarentzako "aire defentsa handiagoa" eskatu die kideei, Errusiak egindako azken erasoengatik
Aurreko astean, Errusiak aire erasoak egin zituen Ukrainako hainbat azpiegitura zibil garrantzitsuren aurka. Horren harira, eta Ukrainari laguntzea helburu, Jens Stoltenberg NATOko idazkari nagusiak Ukrainarentzako "aire defentsako sistema gehiago" eskatu die asteazkenean herrialde aliatuei.
"Aliatuek aireko defentsa eman dute, baina gehiago behar dugu. Aire defentsa mota asko behar ditugu: helmen txikikoa, helmen handikoa, misil balistikoak eramateko moduko aireko defentsa sistemak, gurutzaldi misilak, droneak", adierazi die Stoltenbergek kazetariei, NATOko Defentsa ministroek Bruselan duten bilerara iritsi denean.
Buruzagi aliatuak onartu du erakundeko herrialde batzuek ahaleginak egin dituztela, eta espresuki aipatu du Alemaniak egindako azken iragarpena Kievi aireko defentsako sistemak ematearen gainean. Halaber, azaldu du "erabat garrantzitsua" dela ildo horretatik jarraitzea, herritarrek eta azpiegitura zibilek eta sistema energetikoak jasandako azken "eraso indiskriminatu beldurgarrien" ostean.
Stoltenbergek gogora ekarri duenez, Ukraina herrialde handia da, eta bertako hiri askotan eraso gehiago egon litezke. Hortaz, NATOk laguntza areagotu behar du, hiriak "are gehiago" babesteko.
"Aliatu guztiak babestu eta aldeztu"
Azpimarratu du NATO defentsarako erakundea dela, eta helburu duela gatazkak eta gerrak saihestea; hori dela eta, nabarmendu du "disuasioa" indartu beharko lukeela, Errusiak argi izan dezan NATO "aliatu guztiak babestu eta aldezteko" dagoela: "Jakina, ikusi dugu zer ari diren esaten Ukrainan arma nuklearrak erabiltzeko aukeraz, eta argi eta garbi esan diogu Errusiari horrek ondorio larriak ekarriko lizkiokeela", ohartarazi du Norvegiako lehen ministro ohiak.
"Errusiak jakin badaki gerra nuklear bat ez dagoela irabazterik, inoiz ez dela zertan egin. Eta, jakina, zorrotz ari garela jarraitzen haren jarrera nuklearra. Aldaketarik ez dugu ikusi, baina adi izango gara, mehatxu nuklearrak, erretorika nuklearra eta Errusiak egindako mehatxu ezkutuak arriskutsuak eta zuhurtziagabeak direlako", gehitu du, asteartean egindako analisia berretsita.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.