Europar Batasunak konpromiso klimatikoak eta krisi energetikoak uztartzeko erronka du klimaren goi bileran
Egipton egiten ari diren NBEren klimari buruzko goi bileran, Europar Batasunak erronka nagusi bat izango du: konpromiso klimatikoei eutsiz krisi energetikoari aurre egitea, hain zuzen ere. Ukrainako gerra hasi zenetik, Europar Batasuna erregai fosilen hornitzaile berrien bila ari da. Aldi berean, Parisko Akordioan jasotako konpromisoak betetzeko araudiak onartu nahian ari da.
Goi bilera horretan, Europar Batasunak "ahal den guztia" egin nahi du mendearen amaieran Lurraren berotzea 1,5 gradura mugatzeko. Hainbat zientzialarik kontrakoa dioten arren, EBko iturriek uste dute helburu hori oraindik ere lor daitekeela.
Europar Batasuna ere saiatuko da klima aldaketaren ondorioak arintzen, eta "galerei eta kalteei" aurre egiteko "irtenbide eraginkorrak" bilatzen. Halaber, klima aldaketaren ondorio larrienak jasaten dituzten herrialde txiroenei kalte-ordainak handitu nahi dizkie. Helburua urteko 100.000 milioi dolarrera iristea da.
Energiaren Nazioarteko Agentziak uztailean egindako kalkuluen arabera, Europar Batasunak aurten iaz baino % 7 ikatz gehiago erreko du, 2021ean hazkundea % 14koa izan zela kontuan hartuta. Horrez gain, Errusiako gasarekiko duen menpekotasuna gutxitzen ari da: Ukrainako gerra hasi aurretik % 40koa zen; orain, % 9koa. Errusiari erosten ez diona Ameriketako Estatu Batuei, Norvegiari eta Aljeriari erosten dio orain. Hornikuntza bermatzeko epe laburrean hartu beharreko neurriak direla defendatu du Europar Batasunak. Dena dela, onartu du hamarkada honen erdian "galdutako denbora" berreskuratu egin beharko dela.
Europako Batzordeak "Fit For 55" plana aurkeztu zuen 2021eko uztailean, besteak beste, hamarkadaren amaierarako berotegi efektua eragiten duten gasen emisioa % 55 murriztea helburu duena. Egitasmoa argitaratu zenetik akordio bakarra lortu dute Europako Parlamentuak eta estatu kideek, 2035etik aurrera salduko diren guztiak isuririk gabekoak izango direla, alegia.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.