Errusiako Eliza ortodoxoko patriarkak su-etena proposatu du Eguberri ortodoxoarekin bat eginez
Ukrainako gerraren testuinguruan, Errusiako Eliza ortodoxoko patriarkak su-etena proposatu du Eguberri ortodoxoarekin bat eginez. Halaber, Erdogan Turkiako presidenteak alde bakarreko su-etena eskatu dio Vladimir Putin Errusiako presidenteari. Su-eten eskariak dauden honetan, Ukrainako inteligentzia militarrak adierazi du eraso gehiago egon daitezkeela Errusiako lurraldean, erasoen erantzukizuna Ukrainak izango lukeen argitu gabe.
Buruzagi erlijiosoak proposatutako su-etenak egun eta erdiko iraupena izango luke: ostiral eguerditik (10:00ak Euskal Herrian) larunbat gauerdira arte (22:00ak Euskal Herrian).
"Nik, Kirillek, Moskuko patriarkak eta Errusia osoko patriarkak, barne gatazka honetan parte hartzen duten alderdi guztiei Gabonetan su-eten bat indarrean jartzeko deia egiten", esan du Errusiako Eliza Ortodoxoaren webgunean argitaratutako mezu batean.
Fededun ortodoxoentzat urtarrilaren 6a eta 7a dira Gabonetako egun garrantzitsuenak: urtarrilaren 6an ospatzen dute Gabon gaua eta urtarrilaren 7an, ostera, Eguberri eguna.
Su-eten proposamenak aurrera egingo balu, Ukrainako gerra hasi denetik lehendabizikoa litzateke.
Erdoganek alde bakarreko su-etena eskatu dio Putini
Ez da su-etena lortzeko azken orduetan egin den ahalegin bakarra. Izan ere, Recep Tayyip Erdogan Turkiako presidenteak Vladimir Putin Errusiako presidentearekin hitz egin du telefonoz eta alde bakarreko su-etena eskatu dio, bake elkarrizketei aukera emateko.
Erdoganek eta Errusiako presidenteak behin baino gehiagotan hitz egin dute Errusiak otsailean Ukraina inbaditu zuenetik. Gainera, Turkiak bitartekari gisa jardun zuen Nazio Batuekin batera, Ukrainako portuetatik zerealak esportatzea ahalbidetzeko.
Errusiako lurraldean eraso gehiago egon daitezkeela adierazi du Ukrainako inteligentzia militarrak
Ukrainako inteligentzia militarreko buruzagiak ABC telebista katean ziurtatu duenez, litekeena da Errusian eraso gehiago izatea. Eraso horietan Ukrainak erantzukizuna izatekotan gerra amaitutakoan hitz egingo lukeela gaineratu du.
Errusiak eta Ukrainak elkarri leporatu diote Errusian gertatutako hainbat erasoren erantzukizuna, baina inork ez ditu bere gain hartu.
Bestalde, Ukraina martxotik aurrera kontraeraso "gogorragoa" abiatzeko prestatzen ari dela iragarri du. "Gure helburua, eta lortuko dugu, 1991ko mugetara itzultzea da, Nazioarteko Zuzenbideko subjektu guztiek onartzen duten bezala", esan du.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.