25.000 hildakotik gora zenbatu dituzte Turkian eta Sirian, eta kopurua bikoiztu egin daiteke oraindik
25.000 hildako baino gehiago izan dira dagoeneko Turkia eta Siria astindutako lurrikaren ondorioz baina, lur astinduak izan zirenetik sei egun igaro direnean, bizirik eustea lortu duten pertsonak aurkitzen jarraitzen dute.
Horietako bat izan da 55 urteko Masallah Çiçek emakume turkiarra. Diyarbakir hiriko bere eraikin-etxebizitzaren hondakinen azpian aurkitu zuten larunbat goizalde honetan, lurrikara izan zenetik 122 ordu betetzen zirenean. Handik sein ordura bi hilabeteko haur bat ere erreskatatu dute.
Azken zenbaketa ofizialaren arabera, 22.000 pertsona baino gehiago hil dira Turkian, eta 102.000tik gora zauritu, eta beste 3.553 hildako eta 5.276 zauritu zenbatu dira Sirian. Herrialde honetan, baina, kaos handia dago eta asko igo daiteke, azkenen, hildako kopurua oraindik.
Martin Griffiths Giza Gaietarako idazkari nagusi eta NBEko Larrialdi Sorospenaren koordinatzaileak hildakoen kopurua 50.000 hildakotik gorakoa izango ote den beldur dela adierazi du larunbat honetan, Sky Newsi egindako adierazpenetan.
AFAD Hondamendiak Kudeatzeko Turkiako Agentziak baieztatu duenez, Turkiako 10 probintzietako 90.000 pertsona baino gehiago ebakuatu dituzte, eta 166.000 boluntario daude bertan lanean, horien artean, atzerritik etorritako 8.000 erreskate-aditu inguru.
Lurrikara sorta suntsitzaile horiek izan zirenetik, sei egun betetzen diren honetan, bizirik dauden pertsonen bila jarraitzen dute larrialdietarako zerbitzuek. Denborak aurrera egin ahala, bizirik irtendako pertsonak aurkitzeko itxaropena murriztuz doa. Izan ere, jan nahiz edan barik gizaki bat, gehienez jota, 72 ordu egon daiteke.
Astelehenean izandako 7,7 eta 7,6ko lurrikarek Kahramanmaras probintzian izan zuten erdigunea, eta 10 probintziatan bizi diren 13 milioi biztanle baino gehiagori eragin zizkieten. Litekeena da Hungariaren tamainako eskualde bateko hondakinen azpian hamar milaka biktima egotea.
Albiste gehiago mundua
90.000 pertsona inguru elkartu dira Arizonan, Charlie Kirken omenaldi ekitaldian
Arizonan, State Farm futbol estadioan antolatu dute Charlie Kirken aldeko omenaldia. Irailaren 10ean hil zuten tiroz gazte ultraeskuindarra eta AEBetako toki guztietatik joandako 90.000 lagun elkartu dira hura omentzeko. Estadioak 70.000 lagunentzat du lekua, baina beste 20.000 eserleku ere jarri dituzte bertaratuei lekua egiteko. Segurtasun neurriak ikaragarriak dira estadio inguruan. Jende askok gaua ere inguruetan pasa du omenaldira joateko.
Netanyahuk esan du ez dela Palestinako Estaturik egongo, eta Palestina onartzen duten herrialdeak mehatxatu ditu
Benjamin Netanyahu Israelgo lehen ministroaren esanetan, ez da Palestinako Estaturik egongo, eta Erresuma Batuak, Kanadak, Australiak eta Portugalek iragarpena egin ondoren, Palestina onartzen duten herrialdeak mehatxatu ditu .
Erresuma Batuak, Kanadak, Australiak eta Portugalek Palestinako Estatua onartu dute
Bien bitartean, Benyamin Netanyahuk esan du ez dela Palestinako Estaturik egongo, eta mehatxatu egin ditu herrialdeak. Horrenbestez, NBEko 150 herrialdek onartzen dute jada Palestina ofizialki, Europar Batasuneko 14 tartean.
Palestinako Estatuaren onarpena giltzarri izango da ordu gutxi barru hasiko den NBEren 80. Batzar Nagusian
Erresuma Batuak, Kanadak, Australiak eta Portugalek igande honetan aitortu dute ofizialki Palestinako Estatua, goi-bileraren bezperan. Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
Ustelkeriak haserrea piztu du Filipinetan, eta protesta jendetsuak eta liskarrak izan dira
Protestek kaleak hartu dituzte Manila hiriburuan eta beste hiri batzuetan, herrialdean dagoen ustelkeria politikoa salatzeko. 'Bilioi bat pesoren martxa' deiturikoak erakunde erlijioso eta zibilak batu ditu, diru publikoa “lapurtu” izana salatzeko. Protesta gehienak baketsuak izan dira, baina zaurituak eta atxilotuak izan dira poliziaren kontrako istiluetan.
Honela ikusten dira Gazako bonbardaketak gauean
Israelek Gaza hiriaren aurkako erasoaldi militarrarekin jarraitzen du. Bonbardaketak ez dira eten. Leherketak oso urrunetik ikusten dira, gauez bereziki.
Errusiak "perbertsiorik gabeko" Eurovisionen jaialdi alternatiboa egin du
Errusiak "perbertsiorik gabeko" Eurovisionen jaialdi alternatiboa egin du. Errusiarekin ideologikoki bat egiten duten herrialdeek parte hartu dute Intervision musika jaialdian, 2022an Eurovisionetik kanporatua izan ondoren, “LGTBI eduki potentzial” guztietatik at. Vladimir Putin Errusiako presidenteak kultur nortasuna aldarrikatu du aurkezpen bideo batean. 11.000 ikusle baino gehiagoren aurrean, Duc Phuc vietnamdarrak irabazi du ekitaldia, Kirgizistan eta Qatar sailkatu dira ondoren.
Charlie Kirken hiletak tentsioa eta muturreko segurtasun neurriak eragingo ditu Glendalen
Donald Trump presidenteak berak hitz egingo du arratsaldeko ekitaldian, eta beste agintari garrantzitsu batzuk ere izango dira bertan.
Gutxienez 71 pertsona hil dituzte larunbat honetan Gazako Zerrendan
Israelek Gaza hirian lurreko erasoaldia hasi zuenetik izan den egunik gogorrenetako bat izan da gaurkoa. "Gerra hasi zenetik bizi izan ditugun unerik zailenetakoak bizitzen ari gara", ohartarazi dute Bautista Al Ahli ospitaletik.
Hamasek bahituen "agur-irudia" argitaratu du Israelen erasoaldiaren ostean
Hamas talde palestinarrak Gazan geratzen diren bahituen irudia zabaldu du, Israelgo Armadak Palestinako enklabean egindako erasoaldiaren ostean "agur esateko irudia" dela esanez. Horretan, 46 bahitu agertzen dira: 43 israeldar, 2 estatubatuar eta nepaldar bat.