FARCen disidentziako talde handienak bake elkarrizketak iragarri ditu Gobernuarekin, maiatzaren 16tik aurrera
Kolonbiako Indar Armatu Iraultzaileetako (FARC) gerrillaren oinordekoetako garrantzitsuenak, Estatu Nagusi Zentralak (EMC, gaztelerazko siglengatik), ekitaldi publiko batean iragarri duenez, maiatzaren 16an hasiko dira Gobernuarekin bake negoziazioak.
Horrela iragarri dute Casa Rojan, Caqueta departamenduan, egin duten ekitaldi jendetsuan. Nekazari, indigena eta afro erakundeek hartu dute parte. Disidentzia honetako buruek Kolonbian bakea lortzeko duten borondatea agerian utzi dute, eta, astebetez bilduta egon ostean, Kolonbiako Estatuarekin abian jartzeko prest dauden prozesurako ekintza-ildo bateratua zehaztu dute.
"Munduaren aurrean adierazi nahi dugu Gobernu Nazionalaren buru den Kolonbiako Estatuarekin elkarrizketa mahaian ditugun ordezkariak prest daudela maiatzaren 16rako", adierazi du talde armatuko kide batek. Halaber, EMCk "eraikuntzarako benetako botere subiranoa den herriaren laguntza eta parte-hartze zuzena" izatea espero duela esan die bertaratutakoei.
Hala, taldeak baieztatu du apirilaren 26an ezarriko dutela su-etena egiaztatzeko mekanismoa, Danilo Rueda bakerako goi ordezkariak joan den astean iragarri bezala.
Ekitaldian Nestor Vera Fernandez 'Ivan Mordisco' gerrillaren arduradun nagusia izan da, eta berarekin batera egon dira Martin Perez Castro, 'Richard', 33 Frontearen burua; Alexander Diaz Mendoza, 'Calarca Cordoba', eta Ebimilec Eregua Torres, 'Alonso 45', FARCeko Ekialdeko Blokeko beteranoak. Bertan izan dira, halaber, Oscar Eduardo Sandoval, 'El Mocho', Caucako disidentzien burua, eta Antonio Medina 'Erika', Arauca 10 fronteko kidea. Horietako askok antzinako FARCen ikurrak zeramatzaten soinean, eta banderak, besokoak eta intsigniak ikusi ahal izan dira gerrillaren botoietan.
Oraingoz, Kolonbiako Gobernuak ez du iragarpenaren inguruko erantzunik publiko egin, baina negoziazioa Oslon egiteko aukera egon daitekeela azaldu du gerrillak.
Estatu Nagusi Zentrala gaur egungo disidentziarik handiena da. Miguel Botache Santillana, 'Gentil Duarte' ezizenez ezaguna, hil zenetik, Nestor Vera Fernandez 'Ivan Mordisco' du buru. 2016an sinatutako Azken Akordioarekin bat egin ez zuten 3.000 gerrillari biltzen ditu.
Gustavo Petro Kolonbiako presidenteak iragarria zuen FARCeko Estatu Nagusi Zentralaren disidentziarekin "bigarren bake prozesu bat" hasiko zuela. Negoziazio horiek, beraz, herrialdeko beste gerrilla handiarekin, Askapen Nazionalerako Armadarekin (ELN), abian dauden negoziazioei gehituko zaizkie.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.