Ukrainara armak lehenbailehen bidaltzeko eta EBko armategiak indartzeko eskatu du Europako Parlamentuak
Europan munizio eta misilen ekoizpena areagotzeko lege-proiektua babestu du ostegun honetan Europako Parlamentuak. Munizioak Ekoizten Laguntzeko Legeak material hori Ukrainari emateko prozesua bizkortu nahi du, eta estatu kideei beren armategiak indartzen lagundu.
Neurri espezifikoen bidez, 500 milioi euroko hornidura barne, legeak Europar Batasunaren ekoizpen ahalmena handitzea du helburu, gaur egun defentsarako produktu gutxi daudelako; zehazki, lurreko munizioa eta artilleria, misilak eta horien osagaiak.
Europako Batzordeak etengabe identifikatu, kartografiatu eta ikuskatuko du defentsa produktu horien erabilgarritasuna, bai eta dagozkien lehengaien sarrera ere.
Erregulazio horren eraginkortasuna 2024ko erdialdean ebaluatuko dute, segurtasun testuinguruaren bilakaera kontuan hartuta. Emaitzen arabera, neurri horien hedadura eta aurrekontu gehigarri baten esleipena hartuko dira kontuan.
Hurrengo urratsak
Proposamenak aldeko 446 boto jaso ditu, aurkako 67 eta 112 abstentzio. Orain, Kontseiluan negoziatuko dute, akordio politikoa lortzen saiatzeko, eta uztailaren 10etik 13ra Estrasburgon egitekoak diren osoko bilkuran bozkatuko dute.
Aldi berean, eurodiputatuak Europako Defentsa Industria indartzeko lanean ari dira, Kontratazio Publikoaren Legearen bidez (EDIRPA), EBko herrialdeei defentsarako gaiak batera erosten laguntzeko, gabezia premiazkoenak eta kritikoenak lehenbailehen desagerrarazteko.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.