Errusiak terrorismoaren aurkako operazio-erregimena kendu du, Wagnerrekin izandako krisiaren ondoren
Errusiako agintariek gaur iragarri dutenez, terrorismoaren aurkako operazioaren erregimena bertan behera utzi dute Mosku hiriburuan eta izen bereko eskualdean, larunbatean Wagner Taldea matxinatu ostean krisia izan ondoren, Errusiako Segurtasun Zerbitzu Federalak (FSB, lehengo KGB) ohar baten bidez jakinarazi duenez.
"Mosku hirirako eta Mosku eskualderako Errusiako Segurtasun Zerbitzu Federalaren Departamentuko buruak erabaki du 2023ko ekainaren 26tik terrorismoaren aurkako operazioaren legezko erregimena bertan behera uztea Mosku hirian eta eskualdean", adierazi du erakundeak argitaratutako oharrean.
Izvestia egunkari errusiarrak jaso duenez, "herritarren bizitza, osasuna, jabetza eta legez babestutako beste interes batzuen aurkako mehatxurik ez dagoelako" hartu dute erabakia.
Larunbatean ezarri zuten indarrean neurria, Prigozhin buru zuen matxinadaren aurrean. Horren ostean, Sergei Sobianin Moskuko alkateak iragarri zuen gaurko (astelehena) eguna jaieguna izango zela, eta herritarrei eskatu zien ahal den neurrian joan-etorriak saihesteko, egoera "zaila" ikusita.
Matxinada hasi eta ordu batzuetara, Wagner Taldearen unitateak Moskurantz abiatu ondoren, Kremlinek akordio bat iragarri zuen: Prigozhin Bielorrusiara joatea adostu zuten. Gainera, akordioaren arabera, traizioa egotzita hari leporatutako karguak bertan behera utzi dituzte, eta mertzenarioen taldeko kideak beren ekintzengatik ez auzipetzeko bermeak eman dituzte.
Errusiako Presidentetzak, gainera, Aliaksandr Lukaxenka Bielorrusiako presidentearen bitartekaritza nabarmendu du.
Lukaxenkak esku hartu ostean, tirabirak murrizte aldera, bere posizioak (Rostov Don hiriaren erdigunetik atzera egitea barne) uzteko agindua eman zien Prigozhinek bere taldeko kideei.
Albiste gehiago mundua
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuen (MSF) txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta hauek ixteko deia egin dute. Israelek Gazako laguntza-banaketa fundazioa honen esku utzi zuen, hainbat hilabetez erabat blokeatuta egon ondoren.
Gaza inbaditzeko planak "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.
Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.
Corbieres mendiguneko sute handia kontrolpean dute, baina ez dute itzali
Asteartean piztu zen, eta pertsona bat hil du: sugarrek setiatuta bere etxea uzteari uko egin zion emakume bat. Sutea 1949. urtetik Frantzian izan den larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.
Arabiar Emirerri Batuek bi buruzagien arteko bilera hartzea proposatu dio Putinek Trumpi
Bestalde, Errusiako presidentea prest agertu da Zelenskirekin batzartzeko. "Askotan esan dut ez dudala ezer kontra", adierazi du Putinek, baina gaineratu du "baldintza batzuk" sortu behar direla bilera hori egiteko, eta, bere ustez, hori betetzetik "urrun" daude.