Baso-suteen ondorioz, 35.000 pertsona ebakuatu behar izan dituzte Kanadako mendebaldean
Kanadako agintariek larunbat honetan jakitera eman dutenez, 35.000 pertsonak baino gehiagok alde egin behar izan dute euren etxeetatik Kanadako mendebaldean. Izan ere, baso-sute oldea izaten ari da egunotan Kanadako mendebaldean eta iparraldean, eta inguru haietako hiriburuetatik gertu izaten ari dira.
Herrialde osoan 1.052 baso-sute aktibo daude, eta egoera horren larritasuna ikusita, Justin Trudeau Kanadako lehen ministroak Arazoei Erantzuteko Taldea 48 ordutan bigarrenez deitu behar izan du; horretan, krisian eskumenak dituzten ministroek eta goi-funtzionarioek parte hartzen dute.
Bien bitartean, David Eby Columbia Britaniar probintziako lehen ministroak larunbat honetan prentsaurreko batean adierazi duenez, "egungo egoera etsigarria da". Ostiralean, Ebyk larrialdi egoera ezarri zuen, inguruan dauden 388 baso-suteen ondorioz.
Ebyk gaineratu zuen 35.000 pertsona baino gehiago ebakuatu behar izan dituztela eta beste 30.000 alertapean daudela, edozein unetan etxetik alde egiteko aginduak jasotzeko.
Gunerik kaltetuena Columbia Britainiarreko erdigunea da, non West Kelowna eta Kelowna herriak, 160.000 pertsonako biztanleria dutenak, sugarrek mehatxatuta dauden.
Larunbat honetan, agintariek suteek gehien kaltetutako guneetako turismoa debekatu behar izan zuten, ebakuatuei eta sugarrei aurre egiten dieten langileei ostatu emateko hoteletako plazak askatzeko.
Egoera antzekoa da herrialdearen ipar-mendebaldeko lurraldeetan. Agintariek asteazkenean agindu zuten Yellowknife eskualdeko hiriburuko 20.000 biztanleak ebakuatzea. Eskualdeko hiriburua lau baso-sutez inguratuta dago.
19.000 pertsona inguruk hiria utzi dute dagoeneko, eta bertan bizi da ipar-mendebaldeko lurraldeetako biztanleriaren ia erdia.
Hasiera batean sugarrak larunbat honetan Yellowknifera iritsiko ote ziren beldur ziren arren, eguraldiaren aldaketak, tenperaturen jaitsierarekin eta gauean egindako euriarekin, suteak geldiarazten lagundu du.
Baina Yellowknifeko alkateak, Rebecca Altyk, egoera oso ezegonkorra eta arriskutsua dela ohartarazi du, eta ez itzultzeko eskatu die hiriko biztanleei.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.