Kapitolioko erasoari buruzko Trumpen kontrako epaiketa martxoaren 4an izango da
Donald Trump presidente ohiaren aurkako epaiketa 2024ko martxoaren 4an hasiko dela iragarri du Tanya S. Chutkan epaile estatubatuarrak, Washingtonen egin duen agerraldi batean.
2021eko urtarrilaren 6an Kapitolioari egindako erasoarekin amaitu zen prozesua aztertuko dute eta 2020ko hauteskundeak bertan behera uzten saiatu zen edo ez argituko du epaiketa honek.
Aukeratutako data superasteartea baino egun bat lehenago da, Estatu Batuetan daukaten primario nazionala; izan ere, hamar estatuk baino gehiagok, errepublikarrek zein demokratek, barne prozesuak abiatuko dituzte aldi berean, hautagaiak aukeratzeko.
Agintari ohiari lau kargu leporatzen dizkiote Washington DCn: AEBri iruzur egiteko konspirazioa, prozedura ofizial bat oztopatzeko konspirazioa, prozedura ofizial bat oztopatzen saiatzea eta eskubideen aurkako konspirazioa.
Kargu horietako lehenagatik bost urteko gehienezko kartzela zigorra ezar dakioke, bigarrenagatik eta hirugarrenagatik hogei urteko espetxe zigorra, hurrenez hurren, eta laugarrenagatik hamar urtekoa.
Astelehen honetako iragarpena presidente ohiaren eta Georgiako beste 18 inputaturen aurkako karguen irakurketa irailaren 6an izango dela jakin eta minutu batzuetara iritsi da. 19ek une horretan izango dute beren burua erruduntzat edo ez erruduntzat jotzeko aukera.
Trumpek errugabetzat jo du bere burua leporatzen dizkioten beste hiru karguetan: 2016ko kanpainan Stormy Daniels aktore pornoari bere "affaire"-a isilarazteko egindako ordainketa irregularrak, boterea uztean Etxe Zuritik legez kanpo sailkatutako paperak eraman izana eta Kapitolioari eraso egin izana.
Stormy Daniels aktore pornoari egindako ordainketa irregularrengatik Trumpen aurkako prozesua 2024ko martxoaren 25ean hasiko da, New Yorken.
Azkenik, Floridan, Etxe Zuritik Mar-a-Lagoko bere etxera eraman zituen paper sailkatuengatik epaiketa 2024ko maiatzaren 20rako dago programatuta, hauteskunde presidentzialetarako 6 hilabete pasatxo faltako direnean.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.