Trumpek errugabea dela esan eta "jazarpen politikoa" salatu du
Donald Trump AEBko presidente ohiak (2017-2021) bere burua errugabetzat jo du ostegun honetan Washington hiriko gorte baten aurrean, 2020ko hauteskundeetako emaitzak iraultzen saiatzeagatik. Joe Bidenek gidatutako "jazarpen politikoa" dela salatu du.
77 urteko presidente ohiak ukatu egin ditu akusazioak, Jack Smith fiskal bereziak zuzendutako ikerketa bat burutu ondoren egotzitakoak.
"Aurkari politiko baten jazarpena da. Hau ez litzateke inoiz gertatu behar Ameriketako Estatu Batuetan", esan du Trumpek auzitegitik atera ostean aireportuan egin dituen adierazpenetan. Datorren urteko hauteskundeei begira egiten ari diren inkestetan Joe Biden presidentearen aurretik ageri delako ari direla jazartzen salatu du.
Datorren urtean errepublikanoek egingo dituzten barne-hauteskundeen inguruan egiten ari diren inkestetan lehen postuan dagoelako (2024ko azaroko presidentetzarako hauteskundeetan bere alderdiko hautagai izateko aukeratuko dute) eta jazarpena egotzi dion AEBko presidentearen aurretik doalako jazartzen ari direla gaineratu du.
Moxila Upadhyaya epaileak irakurri ditu Trumpi leporatzen dizkioten lau kargu kriminalak. AEBko presidente ohia John Lauro eta Todd Blanche abokatuekin batera egon da eserita, Jack Smith fiskal berezia zegoen tokitik metro eskasetara.
Epaileak Trump libre uztea onartu du, aske uzteko baldintzak jarrita, eta agintari ohiaren aurkako hurrengo saioa deitu du abuztuaren 28rako.
Washingtongo epaimahai batek honako karguak leporatu dizkio: AEBri iruzur egiteko konspirazioa, prozedura ofiziala oztopatzeko konspirazioa, prozedura ofiziala oztopatzen saiatzea eta eskubideen aurkako konspirazioa.
"Presidentetzarako hauteskundeen emaitza legitimoak aldatzea zen konspirazioaren helburua, eta, horretarako, nahita erabili zituen iruzurra hauspotzeko aldarri faltsuak, botoak bildu, zenbatu eta egiaztatzeko gobernu federalaren lana oztopatzeko", irakur daiteke 45 orrialdeko akusazio idatzian.
Era berean, 2020ko hauteskundeetan iruzurra egon zela zabaltzeko eta bere garaipena aldarrikatzeko "gezurrak" esatea leporatzen diote. "Adierazpenak faltsuak ziren, eta akusatuak bazekien faltsuak zirela", idatzi horretan irakur daitekeenez.
Halaber, emaitzak legez inpugnatzeko eginahalak egin zituen Trumpek, kale egin zuten arren, eta botoak ez zenbatzeko "legez kanpoko metodoak" baliatzea egotzi diote.
Bestalde, "hauteskunde iruzurraren inguruko adierazpen faltsuak egin zituen behin eta berriz, presidenteordeak (Mike Pence) emaitzak alda zitzakeela-eta itxaropen faltsuak zabaldu zituen, eta jarraitzaileak Kapitolioa hartzera bultzatu zituen".
Trump presidente ohiaren kontrako hirugarren inputazioa "orain arteko larriena" da, Chuck Schumer demokraten goi ganberako buruaren arabera. Aurrez, Stormy Daniels pornografia aktorearen auzian, eroskeria leporatu zioten, eta dokumentu klasifikatuen auzian, bere kontrako 40 karguri egin beharko die aurre.
Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.