Militarrek estatu-kolpea eman dute Gabonen, eta Ali Bongo atxilotu dute, hauteskundeak irabazi ostean
Militar talde batek estatu-kolpea eman eta boterea eskuratu du Gabonen, herrialdeko presidente hautatu berria, Ali Bongo, agintetik kanporatzeko. Bongo etxean atxilotuta dute. Hauteskundeak baliogabetu dituzte eta herrialdeko mugak itxi.
Trantsiziorako eta Erakundeak Berrezartzeko Batzordeko kide gisa identifikatu diren dozena bat militarrek egin dute iragarpena telebista bidez. "Krisi instituzional, politiko, ekonomiko eta sozial larriaren aurrean" boterea euren esku hartu dutela iragarri dute.
Larunbateko hauteskundeetan presidente berriro hautatu zuten hautagaia etxean atxikita dute, familiarekin batera, eta semeetako bat atxilotu dute, "traizioa" egin izana egotzita.
Halere, herritarrei "lasai" egoteko eskatu diete militarrek, eta berretsi dute bete egingo dituztela nazioarteko eta herrialdeko komunitatearekin dituzten konpromiso guztiak.
Estatu-kolpea iragarri eta minutu gutxira, ehunka pertsona Libreville hiriburuko kaleetara atera dira, militarrei laguntzeko. Dena den, tentsio giroa nabaria zen militarrek estatu-kolpea eman baino lehen. Bozetan "iruzurra" egitea leporatu zion oposizioak Bongoren taldeari.
Ali Bongo 2009an iritsi zen agintera, bere aita, Omar Bongo, hil eta gero; beraz, hamalau urte egin ditu agintean. Edonola ere, Bongok hirutan irabazi ditu hauteskundeak eta hauteskunde guztietan leporatu diote iruzur egin izana. Oraingoa Bongoren aurkako bigarren estatu-kolpea da.
Zure interesekoa izan daiteke
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.