Putinek ziurtatu du Ukrainako gerrari eutsiko diola Errusiak bere helburuak lortu arte
Ukraina Estatu Batuen laguntza militar eta ekonomikoaren jarraipena bermatzeko izaten ari den zailtasunen berri eman du ostegun honetan Vladimir Putin Errusiako presidenteak, eta gerrari amaiera emateko negoziazioak irekitzeko aukera urrundu du, bere helburuak lortu arte borrokan jarraituko duela ziurtatuta.
"Errusiak bere helburuak lortzen dituenean iritsiko da bakea", esan du Kremlineko buruak urte amaierako bere ohiko prentsaurrekoan, eta Moskuk inbasioa justifikatzeko adierazi zituenak horiek direla ziurtatu du: Ukraina "desmilitarizatzera", "desnazifikatzera" eta "estatus neutralera" behartzea.
Errusiako presidenteak inplizituki aipatu ditu AEBek Kievi babesa emateko orduan dituzten zalantzak, eta atzerriko herrialde batekiko mendekotasun horrek Ukraina zein egoeratan kokatzen duen aipatu du: "Gaur egun Ukrainak ez du ia ezer ekoizten (...) Kanpotik ekartzen dute dena, doan. Baina ganga hau egunen batean amai daiteke. Eta, itxuraz, amaitzen ari da".
Halaber, Putinek uste du Errusiako ekonomiak "sendo eta egonkor" eutsi diela mendebaldeko zigorrei, eta Ukrainako uda honetako "kontraeraso handia" porrotzat jo du: "Ez zuen ezer lortu inon".
Ukraina Bruselara begira
Kieven, Volodimir Zelenski Ukrainako presidentearen Administrazioa Bruselara begira dago ostegun honetan, Europako Batzordeak (EB) gomendatu duen Ukraina bat egiteko negoziazioei buruzko erabakia noiz hartuko zain.
Kapitulu berri hori EBrako bidean irekitzeko, Ukrainak hogeita zazpi herrialdeek aho batez aldeko botoa ematea behar du. Hala ere, bere oztopo nagusia Viktor Orban Hungariako lehen ministroa dela dirudi, gaur berriro berretsi baitu bere jarrera, nahiz eta Europako hainbat buruzagi betotik kentzeko konbentzitzen saiatu diren.
Hungariak ere betoa jar diezaioke Batzordeak 2023-2027 aldirako proposatu duen Ukrainari laguntzeko 50.000 milioi euroko partidari.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.