Israelek 20.000 palestinar baino gehiago hil eta beste 52.600 zauritu ditu 75 eguneko erasoaldian
Gazako Zerrendan Israelen erasoaldiaren ondorioz hildakoak 20.000 baino gehiago dira -8.000 umetik gora- 75 eguneko eraso eta okupazioan, Hamasek kontrolatutako Gobernuko hedabideen bulegoak jakitera eman duenez.
Gainera, kalkuluen arabera, 6.700 gorpu daude hondakinen azpian harrapatuta -% 70 zibilak-, eta horrek hildakoen kopurua are gehiago igoko luke, eta 52.600 pertsona baino gehiago zaurituta daude.
Eraildakoen artean, 8.000 haurrak dira, 6.200 emakume, 310 mediku eta 97 kazetari, Gazako Osasun Ministerioaren datuen arabera.
"Gazako Zerrendako egoera humanitarioa katastrofikoagoa da, eta amildegirantz doa okupazio armadaren gerra genozidaren ondorioz, batez ere 1,9 milioi pertsona baino gehiago etxetik kanpo desplazatuta daudenetik, aurrekaririk gabeko baldintza humanitarioetan", salatu du Zerrendako Gobernuak.
Bestalde, Osasun Ministerioak salatu duenez, Israelek 1.700 sarraski baino gehiago egin ditu erasoaldia hasi zenetik, 23 ospitale eta 140 osasun-zentro erasotu eta zerbitzutik kanpo utzi ditu, 102 anbulantziaz gain.
Gainera, 126 gobernu-egoitza suntsitu ditu, 90 eskola eta unibertsitate erabat zerbitzutik kanpo geratu dira, 283 irakaskuntza-zentro partzialki kaltetuta; 300 meskita baino gehiago erabat edo partzialki eraitsita, baita hiru eliza ere. Eraikin publiko horietan guztietan, milaka errefuxiatu babesten ziren indarkeriaren ondorioz.
Etxebizitzei dagokienez, bonbek 53.000 etxe erabat suntsitu dituzte, eta beste 255.000 partzialki.
Hamasek, halaber, adierazi du, egoera hori dela eta, laguntza humanitarioak ez dituela lurraldearen beharren % 2 ere betetzen, egunero 1.000 kamioi behar dituztelako elikagaiak, botikak, edateko ura eta gainerako laguntza jasotzeko, eta egunero milioi bat litro erregai.
Gazako Zerrendan beste komunikazio itzalaldi bat izan da asteazken honetan, telefonorik eta Internetik gabe, seigarrena Israelen erasoaldia abiatu zenetik.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.