Ikasle batek 14 pertsona tiroz hil eta beste 25 inguru zauritu ditu Pragako unibertsitate batean
Gutxienez 14 pertsona hil dira eta 25 inguru zauritu ostegun honetan Pragako Carolina Unibertsitatean izandako tiroketa batean. Txekiako Poliziak jakitera eman duenez, erasotzaileak bere buruaz beste egin du erasoaren ondoren. Lehen ikerketen arabera, erasotzailea bakarrik aritu da. Unibertsitate horretako ikaslea zen.
Tiroketaren berri izan orduko, unibertsitatearen eraikin osoa hustu dute. Denbora asko behar izan omen dute horretarako, ikasle asko eraikinaren gune ezberdinetan ezkutatu direlako.
Izua zabaldu da Pragako Carolina Unibertsitatean eta inguruetan, David K., 24 urteko ikaslea, Filosofia Fakultateko ikaskideei tiroka hasi zaienean. Oihuak eta tiro-hotsak entzutean, ikasle asko ikasgeletan sartu dira eta sare sozialen bidez partekatzen zituzten eszenak grabatu dituzte telefono mugikorrekin.
Bertan, gazteak lurrean botata ikusten dira, leihoetatik urrun. Beste irudi batzuetan, berriz, ikasleak ageri dira, erlaitzetan makurtuta, unibertsitate-eraikinaren fatxadaren goialdean, Jan Palach plazan.
Martin Vondrasek Txekiako poliziaburuak prentsaurreko batean azaldu duenez, 12:45 aldera abisua jaso dute, Txekiako Housten hiriko 24 urteko gazte batek bere buruaz beste egiteko asmoa zuela jakinaraziz, eta Pragara bidean zela. Aurrez, gazte horren aita hilda agertu omen dela ere gaineratu du Vondrasek.
Lehen ikerketen arabera, erasotzaileak bakarrik ekin du, eta erasoaren atzean, Txekiar Errepublikaren historiako larriena, ez dago arrazoi terroristarik.
Bere aldetik, Petr Fiala Txekiako lehen ministroak bertan behera utzi du gaur-biharretarako zuen agenda ofiziala, eta herritar guztiei Poliziaren aholkuak jarraitzeko eskatu die.
Petr Pavel Txekiar Errepublikako presidenteak bere atsekabea eta dolumina adierazi die tiroketaren biktimen senideei X sare sozialean duen kontuaren bidez.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.