Navalniren alargunak senarraren lanarekin jarraituko duela esan du eta Putini "hilketa" leporatu dio berriro
Yulia Navalnayak, Alexei Navalni disidente errusiarraren alargunak, bere senarraren lanarekin aurrera jarraituko duela adierazi du astelehen honetan.
"Nire lekuan beste pertsona bat egon beharko litzateke, baina pertsona hori Vladimir Putinek hil du", esan du sareetan zabaldutako bideo batean. Hala, "amore emateko eskubiderik ez" duela adierazi du, eta "bere lanarekin eta borrokarekin" jarraituko duela iragarri du, The Moscow Times egunkariak jaso duenez.
Putinek "zuen gauzarik preziatuena lapurtu" diola adierazi du Navalnayak. "Nire seme-alaben aita hil du. (...) Pertsonarik maitatuena eraman du", esan du, eta "Navalni hiltzeaz gain, Errusiako herritarren itxaropenarekin, askatasunarekin eta etorkizunarekin amaitu" nahi izan duela ere salatu du.
Navalni, Kremlinen aurkari eta kritiko nagusietako bat, ostiralean hil zen Siberiako espetxe batean, "estremismoagatik" eta "iruzurragatik" 30 urte inguruko kartzela-zigorra betetzen ari zela. Senide eta gertukoei heriotza "bat-bateko sindrome" baten ondorioz gertatu zela jakinarazi diete, baina ez diete gorpua entregatu.
Errusiako ikertzaileek martxoaren 4ra arte ez diote Navalniren gorpua familiari emango
Hain zuzen ere, ikertzaile errusiarrek astelehen honetan jakinarazi diote familiari ezin dutela gorpua beste 14 egun barrura arte entregatu, "azterketa kimiko" baten ondorioz.
"Ikertzaileek abokatuei eta Alexeiren amari esan diete ez dietela gorpua emango, beste 14 egun behar baitituzte azterketa kimiko bat egiteko", azaldu du X sare sozialean Kira Yarmish oposizioko buru zenaren bozeramaileak.
Yarmishen arabera, "gezurra" eta "iseka" da, eta ikertzaileek ez dute gorpua entregatzen Navalniren hilketaren balizko frogak "ezkutatzeko".
Zure interesekoa izan daiteke
Ekialde Hurbila gerraren hirugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio aldi baterako Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.