Assange AEBra estraditatzea baimentzeko erabakia hausnartzen hasi dira Erresuma Batuko epaileak
Julian Assangeren estradizioa, Estatu Batuetan epaitzeko, oraindik erabakitzeko dago. Amaitu dira entzuteak Londresko Auzitegi Nagusian, eta Wikileaksen sortzailearen kasuaz arduratzen diren bi epaileek erabakia hartuko dute aurki, zehaztu ez duten data batean. Erabaki behar dute Assangek Erresuma Batuan berriro helegitea jartzea baimentzen duten edo Gobernuak 2022an onartutako estradizioa aktiba daitekeen.
Erresuma Batuko Fiskaltzak Estatu Batuetako Administrazioaren ordezkari gisa emandako argudioak eta kazetari australiarraren defentsarenak entzun dituzte epaileek, bi egunez.
AEBk estradizioa eskatu du espioitza eta intrusio informatikoagatik epaitzeko, Assangeren atariak AEBk Iraken eta Afganistanen egindako gerra krimenen berri eman ondoren.
Assangeren defentsak, bere aldetik, estraditatzeko aginduaren aurkako errekurtsoa jartzeko baimena eskatu dio gorteari. Bi herrialdeen arteko ituna urratuko lukeela uste du, izaera politikoko eta adierazpen askatasunaren aurkako delituak direlakoan, heriotza zigorra ezartzeko aukera egoteaz gain.
Defentsaren argudioen artean, CIAren sare bat dago, Assange Ekuadorren enbaxadan babestuta zegoenean bahitzeko edo hiltzeko, kasuaren motibazio politikoa erakusten omen duena.
Estatu Batuentzat, AEBko espioitza legean jasotako delitu penalak dira. Assangeri leporatzen dio Chelsea Manning soldadu estatubatuar ohiarekin batera konspiratzeagatik, legez kontra informazio militar sailkatua lortzeko eta zabaltzeko, arriskuan jarriz "Estatu Batuetako informatzaile errugabe ugari" Iraken, Afganistanen, Txinan, Iranen edo Sirian, besteak beste.
Entzuteen azken saioaren amaieran, Rebecca Vicent Mugarik Gabeko Erreportariak elkartearen bozeramaileak esan duenez, "kontua da 2010ean Wikileaksek, filtratutako dokumentu sailkatuen bitartez, interes publikoko informazioa argitaratu zuela, eta mundu osoko kazetaritzari balio izan ziola".
Zure interesekoa izan daiteke
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.
Mohamed VI .ak dio Marokok "kapitulu berri bat" ireki duela Mendebaldeko Sahararako bere planak NBEren babesa jaso ondoren
Marokoko erregeak Tindufen errefuxiatuta dauden sahararrei dei egin die "aukera historiko hau" aprobetxa dezaten "familiekin biltzeko", eta Aljeriako presidenteari "elkarrizketa zintzoa eta anaiartekoa" egiteko eskatu dio.