Navalniren hurbilekoek hura askatzeko aurreakordio bat zegoela ziurtatu dute
Alexei Navalni politikari errusiarra aske uzteko "egun batzuetara" zegoen, aurreakordio bat medio. Politikari zenaren hurbilekoen arabera, akordio hori "azken fasean" zegoen, baina Vladimir Putin presidentearen gaitzespenarekin egin zuen topo. Horrela, uko egin zion trukean Alemanian atxilotutako Vadim Krasikov agentea askatzeko tratuari.
Maria Pevchij Navalniren aliatuak politikariaren Youtubeko kanalean ziurtatu duenez, Putinen oniritzia baino ez zen falta duela bi urtetik lanean ari ziren trukea ixteko. Azaldu duenez, Ukrainan erasoaldia hasi zenetik Navalni kartzelatik ateratzeko helburua ezarri zuten, haren egoerak okerrera egingo ote zuen beldur.
Azkenean, Artikoko kartzela urrun batera eraman zuten, "mundutik ezkutatuta" eta "torturatuta", Pevchijek salatu duenez. "Putinek Navalni zergatik hil zuen" aipatzeaz gain, otsailaren 16an hiltzea eragin zuten arrazoiak ere ulertzeko deia egin du.
"Datozen egunetan Navalni askatzekoak ziren, haren trukeari buruzko erabaki bat hartu genuelako", esan du, eta azaldu du hilaren hasieran eskaintza bat aurkeztu ziotela Putini, eta otsailaren 15eko arratsaldean dena "azken fasean" zegoela.
Orduan, Krasikov Errusiara itzultzeko "modu bakarra" Navalni askatzea zela adierazi zitzaion Errusiako presidenteari. Beraz, Pevchijen arabera, trukerako txanpon izan behar zuena desagerraraztea erabaki zuen hark.
Alemaniak ez du ezer adierazi
Alemaniako Gobernuak ez du adierazpenik egin mahai gainean zegoen ustezko trukeari buruz. "Une honetan, ezin dut hori aipatu", adierazi du Christiane Hoffmann Gobernuaren bozeramaileak.
Hala ere, Olaf Scholz kantzilerrak Putini leporatu dio berriro Navalniren heriotzaren erantzukizuna.
Alemaniako gobernuburuak adierazi duenez, Errusiako presidenteak eta aliatuek "beldur handia" dute, martxoko presidentetzarako hauteskundeetarako hautagaitzak baliogabetuta, Putin faborito argia baita.
Zure interesekoa izan daiteke
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.