Netanyahuk nazioarteko erreguei entzungor eginez esan duenez, Israelek eraso egingo dio Rafahri
Israelgo lehen ministro Benjamin Netanyahuk ez du Hamasen aurkako erasoaldia eteteko asmorik, nahiz eta gaur, igandea, balizko su-eten baten gaineko negoziazioei ekin dieten berriro Qatarren.
Netanyahuren hitzetan, Rafahri eraso egingo dio Israelek, hau da, gazatarrek duten leku seguruena suntsitzeko asmoz jarraitzen du, gerra hasi zenetik bost hilabete igaro direnean, eta zibilen aurkako erasoak gelditzeko nazioartetik jasotako presioa gorabehera.
Jerusalemen Olaf Scholz kantziler alemanarekin bildu ostean erantsi du erasoaldia hasten denean Rafahko zibilak ez direla han harrapatuta geratuko.
Esan bezala, Israelen aliatuak erreguka ditu Rafahri eraso ez egitea eskatuz. Gazako hainbat lekutatik babes bila iritsitako milioi bat erbesteratu bizi dira bertan. Presio horren aurrean, baina, Israelgo lehen ministroak, iazko urriaren 7an Hamasek egindako erasoak gogora ekarrita, nazioarteak duen "oroimen falta" kritikatu du.
Scholz: "Ezin gara besoak antxumatuta geratu, palestinarrak gosez hiltzen diren bitartean"
Bestalde, Alemaniako kantziler Olaf Scholzek Gazara laguntza gehiago bidaltzeko beharraz jardun du, eta Zerrendan hil dituzten milaka zibilei buruz galdetu dio Netanyahuri.
"Ezin gara besoak antxumatuta geratu, palestinarrak gosez hiltzen diren bitartean, hori ez da guk zabaldu nahi dugun mezua", esan du. Rafahri eraso egitearen aurka ere agertu da Scholz.
Bukatzeko, Scholzek Netanyahuri galdegin dio malguagoa izan dadila oraindik ere Hamasen esku dauden 134 bahituak askatzeko negoziazioetan, eta ulerkor azaldu da horien senitartekoekin.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.