Erresuma Batuak 2009tik aurrera jaiotakoei tabakoa saltzea debekatuko duen lege-proiektua onartu du
Erresuma Batuak tabakoaren eta lurrungailuen lege-proiektuaren alde bozkatu du astearte honetan. Horren arabera, delitua izango da tabakoarekin lotutako produktuak saltzea 2009tik aurrera jaiotako edozein pertsonari. Beraz, gaur egun 15 urte dituzten gazteek ezingo dute tabakoa erosi. Legea 2025eko apirilean sartzea indarrean aurreikusten da, baina ez du eragotziko gaur egun legalki tabakoa eros dezaketenek etorkizunean ere egin ahal izatea.
"Lege-proiektu honen helburua ez da erretzen duten pertsonak kaltetzea, ezta tabakoa erostea eragoztea ere. Ez du inolako eraginik izango egungo erretzaileen eskubideetan, alderantziz, erretzeari utz diezaioten lagundu nahi diegu", adierazi du Victoria Atkin Estatuko Osasun eta Gizarte Arretako idazkariak.
Gaineratu duenez, "lege-proiektu honek etorkizunera begiratzen du, hurrengo belaunaldiari bizitza luzeagoak, osasuntsuagoak eta produktiboagoak emateko". Lege-proiektua onartuta, Erresuma Batua kerik gabeko lehen belaunaldia sortzetik gertu dago.
Lege-proiektu horren bidez, "kerik gabeko belaunaldi bat sortzen ari gara. Horrek aurten 15 urte edo gutxiago dituen inori tabakoa legez saltzea debekatuko du, tabakoa uzteko ondorengo lanetatik aldenduz, gure ekonomia produktiboagoa bihurtuz eta osasun-zerbitzu azkarragoa, sinpleagoa eta bidezkoagoa eskaintzea ahalbidetuz", gaineratu du.
Arau berriak betetzen direla bermatzeko, tabakoa edo lurrungailuak legez kanpo saltzen dituztenek isunak jasoko dituzte. Bildutako diru guztia legea aplikatzeko neurri berriak finantzatzeko erabiliko da.
Lege-proiektua bat dator lurrungailuen salmenta eta hornikuntza debekatzeko konpromisoarekin, indarrean dagoen ingurumen-legediaren arabera. Izan ere, lurrungailuek eragin nabarmena izan dute gazteen kontsumoaren hazkundean. Debekua 2025eko apiriletik aurrera sartzea indarrean aurreikusten da.
Zure interesekoa izan daiteke
Sozialistek irabazi dute Parisen
Aurrerakoiek hiri garrantzitsuenetan agintzen jarraituko dute, eta Nizan eskuin muturrak irabazi du.
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.