Ukrainako gerra
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Sei pertsona hil eta 40 zauritu ditu Errusiak Kharkiveko brikolaje hipermerkatu baten aurkako erasoan

"Hainbat lagun desagertuta eta beste asko zaurituta daude. Ikusitakoa ikusita, erasoak merkataritza-gunea zeukan helburu, eta jende mordoa zegoen bertan. Hau terrorismo hutsa da", salatu du Kharkiveko alkate Igor Terejovek.
20240525200723_ukraina-ucrania-jarkov-kharkiv_
18:00 - 20:00
Errusiak Kharkiveko hipermerkatu bati eraso egin, eta gutxienez sei hildako eta dozenaka zauritu eragin ditu
author image

Agentziak | EITB Media

Azken eguneratzea

Gutxienez sei pertsona hil eta 40 zauritu dituzte, horietako batzuk oso larri, Errusiak airetik Ukraina iparraldeko Kharkiv hiriko brikolaje hipermerkatu baten aurka jaurtitako bi lehergailuk. 

"Hainbat lagun desagertuta eta beste asko zaurituta daude. Ikusitakoa ikusita, erasoak merkataritza-gunea zeukan helburu, eta jende mordoa zegoen bertan. Hau terrorismo hutsa da", salatu du Kharkiveko alkate Igor Terejovek. Azken datuen arabera, gutxienez 16 desagertu daude.

Eskualdeko gobernadore Oleg Sinegubovek adierazi du gutxienez bi jaurtigai lehertu direla eraikuntzarako materiala saltzen duen Epicentr saltokian. 15.000 metro koadroko gune bat hartzen duen eraikinak su hartu du 16:00ak aldera (15:00ak Euskal Herrian) gertatu den erasoaren eraginez.

"Erasoaren lekuan ehunka lagun egon litezke", ohartarazi du Sinegubovek. Larrialdietarako zerbitzuak bertaratu dira, biktimak artatzera", jakinarazi du.

Ukrainako presidente Volodimir Zelenskik, bestalde, azpimarratu du erasoak "helburu zibila" zuela, "bisitari eta langile asko" baitzeuden hipermerkatu horretan. "Atentatu hau errusiar erotasunaren beste adierazpen bat gehiago da, soilik Vladimir (Putin) bezalako zoroak baitira jendea horrela hiltzeko eta izutzeko gai", erantsi du.

Horrela, aireko erasoen aurkako borrokan mendebaldeko aliatuei eskatutako laguntzarekin lotu du Zelenskik erasoa. "Gure herritarren bizitzak ahalik eta modurik eraginkorrenean babestu nahi ditugu, errusiar terroristak gure mugetara iristeko gai ere izan ez daitezen", esan du.

Errusiak Kharkiveko hipermerkatu bati eraso egin, eta gutxienez sei hildako eta dozenaka zauritu eragin ditu
Munduko albisteak Ukrainako gerra Vladimir Putin Errusia-Ukraina gerra Eguneko Titularrak Volodimir Zelenski

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X