Israelek 81 pertsona hil eta 223 zauritu ditu Gazan azken 24 orduotako erasoetan
Gazako Zerrendan Israelek egindako erasoek 81 pertsona hil eta 223 zauritu dituzte azken 24 orduetan, Gazako Osasun Ministerioak gaur, igandearekin, argitaratutako informazioaren arabera.
Gerra hasi zenetik 233 egun bete direnean, 35.948 lagun hil dituzte, horien % 71 haurrak eta emakumeak, eta 80.643 zauritu dituzte, urriaren 7tik. Gainera, Gazako agintariek esan dute kopuru horietan ez dituztela kontuan hartu hondakinen artean desagertuta dauden 10.000 pertsonak.
Wafa albiste agentzia palestinarrak airez jasotako azken eraso horiek salatu ditu. Bien bitartean, Israelek Gaza iparraldea suntsitzen jarraitzen du, zibilei ere eraso eginez.
"Hegazkin batek lehergailuak jaurti ditu etxebizitza baten aurka Nuseirat errefuxiatuentzako eremuan, Gazako Zerrendaren erdialdean, eta beste batek bertan dauden zenbait etxebizitza izan ditu helburu", gaineratu du Wafak.
Israelgo Armadak, bere aldetik, ziurtatu du bart 50 helburu terrorista txikitu dituztela, tartean "armak, jaurtigaiak eta misilak gordetzeko tokiak".
Hamasek zortzi lehergailu jaurti ditu Israel erdialdera, Tel Avivera tartean
Rafahtik zortzi lehergailu bota dituzte gaur Israel erdialdera, Tel Avivera tartean, Hamasek bere gain hartu duen erasoan. Lau hilabete zeramatzan Hamasek Israelen aurkako erasorik egin gabe.
"Sirenen hotsen ostean, zortzi jaurtigai ikusi ditugu Rafahtik Israelera bidean, eta horietako asko gelditu egin ditugu", esan du Israelgo Armadak ohar baten bidez.
Erasoak, baina, ez du kalte larririk eragin, eta pertsona bakarra zauritu du, arin.
Zure interesekoa izan daiteke
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.