Trump hautagai izendatuko duen Errepublikanoen Konbentzio Nazionala abiatu da, hilketa saiaketatik bi egunera
Alderdi Errepublikanoaren Konbentzio Nazionala astelehen honetan hasiko da Milwaukeen (Wisconsin). Horretan, segurtasun neurri bereziak jarriko dira martxan, hauteskunde kanpainako ekitaldi batean gertatutako Donald Trumpen hilketa saiakeraren ostean.
Ostegunera arte luzatuko den batzarrak Trump izendatuko du hautagai. Ekitaldiak segurtasun neurri indartuak izango ditu, Joe Biden presidente estatubatuarrak emandako aginduaren ostean. Izan ere, buruzagi demokratak igandean iragarri zuenez, Kimberly Cheatle Zerbitzu Sekretuko zuzendariari "Errepublikanoen Konbentzio Nazionalerako segurtasun neurri guztiak" berrikusteko eskatu zion presidenteak. Hala ere, Trumpek segurtasun maila altuak jaso ditu orain arte, nahiz eta oraindik hautagai-ofizial ez izan.
Hirigunea segurtasun indarrez beteta dago jada, eta hainbat kale moztuta eta dozenaka segurtasun-agente patruilatzen ari dira ekitaldiko inguruko eremuetan.
Milwaukeeko alkatetzaren araberan, polizia, suhiltzaileak eta larrialdi zerbitzuak "estu" ari dira elkarlanean Zerbitzu Sekretuekin, "egoilarrak, enpresak eta bisitariak seguru mantentzeko" helburuarekin.
Hala, konbentziorako segurtasun planak berraztertzen ari direla azaldu du Gobernu federaleko goi-funtzionario batek, ABC News telebista kateari. Horren ostean, aldaketaren bat egin behar den ala ez aztertuko dutela azpimarratu du goi-funtzionarioak. Bestalde, CBS News azaldutakoaren arabera, segurtasun-perimetroa zabaldu eta trafikoa kontrolatzeko guneak instalatzeko aukera aztertzen ari dira.
Trump, Milwaukeen jada
Donald Trumpek ostegunean emango du hautagai errepublikanoaren izendapena publikoki onartzeko ohiko hitzaldia. Horrekin batera, aste honetan presidenteorde izateko hautagaia nor izango den jakinaraztea ere espero da.
Presidente ohia igandean lurreratu zen AEBetako ipar-ekialdeko hirian. "Milwaukeen lurreratu naiz Donald Trumpekin", iragarri du Eric Trumpek. X sare sozialean publikatutako bideoan, Trump Force One izeneko jet pribatua lurreratu dela erakutsi du haren semeetako batek.
Trump hauteskunde-kanpainaren unerik gorenean iritsi da Wisconsineko hirira. Izan ere, inkestek Joe Biden presidentearekin zuen aldea edo abantaila handitu egin dela adierazten dute. Gainera, orain bere figurak dimentsio heroikoa hartu du Trumpen aldeko jarraitzaileen artean, Pennsylvanian gertatutako hilketa saiakeraren ondoren.
Horretan, Trumpen eskuineko belarrian zauritu zuen bala batek, eta jarraitzaile bat eta beste bi zauritu hil ziren.
Handik gutxira, Zerbitzu Sekretuko frankotiratzaile batek 20 urteko Thomas Matthew Croos erasotzailea hil zuen.
Zure interesekoa izan daiteke
Rafahko pasabidea oso modu mugatuan irekitzeko prestaketa lanetan dabil Israel
Gazako Zerrenda eta Egipto lotzen dituen pasabidea gaur zabalduko zutela iragarri arren, Israelgo Gobernuak zehaztu du "atariko prestaketen fase pilotu" bat egiten ari direla, eta palestinarrak ezin direla oraindik bertatik igaro. Gazako Osasun Ministerioak ere esan du ez duela OMEren baimenik jaso. 150 gazatar daude Zerrendatik ateratzeko zain.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.