Eta orain zer? Harris babestu edo batzar ireki bat egin, horixe da demokratek erabaki beharko dutena
Joe Biden Estatu Batuetako presidenteak hauteskunde lehiatik erretiratzea erabaki ostean, Kamala Harrisengan jarrita daude begirada guztiak, bera baita oraingoz demokraten hautagaitza bakarra datorren hauteskundeei begira. Nolanahi ere, ez dago ezer erabakita; izan ere, babesa eskaini diotenak asko izan badira ere, alderdi demokrataren baitan primarioak egitearen alde azaldu dira beste batzuk. Alderdi Demokrata, hortaz, zatiturik dago gaur gaurkoz.
Kontuak kontu, presidenteordeak berak azeleragailua zapaldu du eta dagoeneko aurkeztu du Donald Trumpen aurkari berria izateko hautagaitza. Hala, Bidenen kanpaina Harrisen kanpaina bihurtu da ofizialki, eta dagoeneko ia 50 milioi dolar (45,5 milioi euro) bildu ditu arratsalde batean militanteen dohaintzei esker.
Anabasa eta ziurgabetasunaren erdian, alderdiaren eta diru-emaileen zati handi batek berehala egin du Harrisen alde, hala nola Bill Clinton presidente ohiak eta Hillary Clinton presidentegai ohi eta idazkari ohiak.
Bien bitartean, Barack Obama presidente ohiak, Nancy Pelosi Kaliforniako kongresista esanguratsuak eta Chuck Schumer Senatuko gehiengo demokrataren buruzagiak, adibidez, ez diote babesa helarazi. Horren ildotik, Obamak azaroko hauteskundeetarako "ezohiko hautagai" bat izendatzea eskatu dio Alderdi Demokratari, baina bere mezuan presidenteordea babestea saihestu du. Hakeem Jeffries Behe Ganberako gutxiengo demokrataren liderrak ere argitaratu duen oharrean ez du Harrisen aldeko aipamenik egin.
Oraingoz, baina, inork ez du adierazi Harrisen hautagaitzari aurre egiteko asmorik duenik, eta nabarmentzekoa da, inkesta askoren arabera, Bidenek baino boto-asmo hobea duela Harrisek Trumpi aurre egiteko. Harrisen alternatiba bakarra beste emakume bat litzateke, inkesta batzuen arabera: Michelle Obama.
Ikusteko, beraz, alderdi demokratak zer erabaki hartuko duen.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.