Bangladeshko lehen ministroak dimisioa eman eta herrialdetik alde egin du, protestek indarra hartu ostean
Sheij Hasina Bangladeshko lehen ministroak dimisioa eman astelehen honetan eta herrialdetik alde egin du, joan den hilean hango Gobernuaren kontra hasitako protestek indarra hartu ostean. Ehunka lagun hil dira.
Channel i telebista-kateak jakitera eman duenez, Hasina hainbat alditan saiatu da protesten deitzaileekin hitz egiten, egoera bideratzeko, baina ez du lortu ezer konpontzea. Goizean aurkeztu dio dimisioa Mahammad Shahabuddin Bangladeshko presidenteari, Bangabhabanen, estatuburuaren egoitza ofizialean. Ondoren, Armadak hartu du boterea bere gain eta bitarteko Gobernua eratuko duela iragarri du.
Milaka herritar atera dira azken orduotan kalera, etxean geratzeko Gobernuak ezarritako aginduari muzin eginez, eta tentsioa areagotu egin da. Besteak beste, lehen ministroaren egoitzara sartu dira manifestariak.
Bertako hedabideen arabera, helikopteroz atera da herrialdetik Hasina, eta Mendebaldeko Bengala estatura joan da. Gaur arratsalderako Armadako buruaren agerraldia espero da, Gobernuaren egoeraz azalpenak emateko.
Enplegu sistema
Azken urteotako protesta gogorrenak ari dira izaten Bangladeshen. Gobernuaren enplegu politikaren kontra hasi ziren oldartzen hango ikasleak, uztailaren hasieran: enplegu publikoan sartzeko aukera duten bakarrak 1971ean askatasunaren alde borrokatu zirenen oinordekoak direla salatzen dute; lanpostu publikoen heren bat inguru legoke horientzat gordeta.
Modu baketsuan hasi ziren protestak, baina indarra hartzen joan dira, astez aste. Azken asteotan, enplegu kuotak murriztu ditu Gobernuak, Auzitegi Gorenak eskatuta, baina protestek aurrera jarraitzen dute.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.