Ukrainarrak indarra hartzen ari dira Errusian, eta errusiarrek aurrera jarraitzen dute Ukrainan
Volodimir Zelenski Ukrainako presidenteak ziurtatu duenez, Ukrainako Armada indarra hartzen ari da Kursken, Errusiako Federazioaren hegoaldean, Ukraina ekialdean errusiarren bultzada militarrak jarraitzen duen bitartean.
"Gure presentzia gero eta indartsuagoa da", esan du Zelenskik, Ukrainako Aire Armadak Errusiako eskualdean beste zubi bat suntsitu dutela jakinarazi baino ordu batzuk lehenago.
Ukrainako tropek aurrerapena moteldu dute azken egunotan, baina azpiegiturei eraso diete. Asteburuan, Seim ibaiaren gaineko bi zubi suntsitu dituzte, "etsaiaren gaitasun logistikoa murrizteko", Mikola Olextxuk Ukrainako Aire Armadako arduradunaren arabera.
Errusian finkatzen diren bitartean, Ukrainako agintariak mugaren beste aldean, Sumy eskualdean, neurriak hartzen ari dira biztanleak babesteko. 20 kilometroko eremuan mugitzeko murrizketak ezarri dituzte, eta Kurskeko fronte-lerrotik 5 eta 10 kilometro arteko distantziara dauden herriak ebakuatu dituzte.
Gerra Aztertzeko Institutuaren (ISW) azken txostenaren arabera, Ukraina Kursken egiten ari den operazioak "presio operatibo eta estrategikoak eragin ditu Errusiako indarren gaineko operazioen agertoki osoan, eta litekeena da ondorengo faseek oraindik presio handiagoak sortzea Errusian". Erasoaldiaren ondorioz, Errusiako Armadak hamar bat batailoi zabaldu behar izan ditu Kursken.
Errusiako Defentsa Ministerioak azaldu duenez, Sever (Iparraldea) talde militarreko unitateak basoetan etsaien talde mugikorrak harrapatzen eta suntsitzen ari dira, eskualdeko hainbat herritan horien erasoak saihesteko.
Nahiz eta indar errusiarrek ez duten lortu Ukrainaren erasoaldi harrigarriari bukaera ematea, eta denboran luza badaiteke ere, ez dirudi Kremlini loa kentzen dionik.
Errusia aurrera doa Ukrainan
Ukraina ekialdeko fronteetan, Errusiako indarrek herri gehiago hartu dituzte, baina Ukrainako Armadak esan du Donetsken "eraso masibo bat" arrakastaz gelditu ahal izan duela. Aldi berean, ebakuazio gehiago agindu ditu, azkena Pokrovsk hirian, Errusiaren aurrerapenaren aurrean.
Donbasseko fronteetako erasoak etengabeak dira; Kharkiven, bitartean, Vitali Sarantsev bozeramaile ukrainarraren arabera, Errusiako Armadak bere jarduera murriztu duela dirudi, nahiz eta egoera "zaila" den.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.