Borrellek aitortu du Europak "konpromiso handiagoa" hartu beharko lukeela Gazan
Josep Borrell Europar Batasuneko Kanpo Gaietarako eta Segurtasun Politikarako goi ordezkariak esan du Gazan "gertatzen ari dena nazioarteko zuzenbide humanitarioaren urraketa" dela, eta Europak "konpromiso handiagoa hartu beharko lukeela".
"Gazan gertatzen ari dena justifikatu egin daiteke Israelek eraso terrorista bati erantzuteko duen defentsarako eskubide gisa? Nire erantzuna ezezkoa da. Baina erantzun hori nirea da soilik, ez da Europar Batasunaren politika ofiziala", azpimarratu du Iruñean, Diario de Navarrak eta Equipo Europak ematen duen Nafarroa Europaren Atea Nazioarteko saria jaso duenean.
Josep Borrellek azaldu duenez, "ezin dugu esan Gazan hildako 40.000 pertsonak defentsarako eskubideari dagozkiola, eskubide guztiek baitituzte mugak, eta muga horiek nazioarteko zuzenbide humanitarioan daude, eta gertatzen ari dena nazioarteko zuzenbide humanitarioaren urraketa da".
Horregatik, Borrellek uste du Europak "konpromiso handiagoa" hartu beharko lukeela, "ez laguntza humanitarioan bakarrik", zeren "ez du askorako balio afaltzen emateak bihar hilko banaute". "Indartu egin behar da laguntza humanitarioa, eta txalotu egin behar da UNRWAren lana. Nora iritsi gara Nazio Batuen Erakundeko erakunde bat terroristatzat jotzen duenean NBEko estatu kide batek?", bota du EBko agintariak.
Borrellek "irtenbide politikoa bilatzen jarraitzea" aldarrikatu du, baina aitortuz Europar Batasuneko estatuak "banatuta" daudela. Hala, Espainia eta beste herrialde batzuk "Palestinaren aldamenean, oraindik existitzen ez den estatua aitortzen eta nazioarteko zuzenbidea errespeta dadin eskatzen" aritu diren bitartean, beste batzuk Israelekin "barkaberak" izan direla azpimarratu du.
Ukrainako egoeraz, Europar Batasunaren arduradunak azaldu du Donbassen egon zela Errusiaren inbasioa hasi baino bi aste lehenago, eta "Ukrainako lehen ministroak sekula ahaztuko ez dudan zerbait esan zidan: 'Eraso egin behar digute, eta erasotzen digutenean, zer egingo duzue? Badakigu ez zaretela gure alde hiltzera etorriko, eta ez dizuegu hori eskatzen, baina lagunduko diguzue gure burua defendatzen? Emango dizkiguzue defendatzeko behar ditugun armak?. Ez nuen jakin zer erantzun, ez bainuen ziurtasunik Europak egingo zuenaren inguruan".
Borrellek azpimarratu du gerrak aurrera jarraitzen duela, eta "laguntzen diegun bitartean defendatu" egingo dutela haien burua. Ukrainak laguntzarik jasoko ez balu gerra amaitu egingo litzatekeela diotenei erantzunez, esan du "laguntzarik ezean, Ukrainak errendizioa" eman beharko lukeela "bi asteren buruan", eta "Errusia Kieven egongo litzateke bi astean".
"Gerra guztiak negoziazioarekin amaitzen dira, eta ahal dena egiten da negoziazioa gertatzeko", azaldu du Borrellek, "AEBko hauteskundeak izan arte" negoziaziorik ezin dela egon aitortu aurretik. Gainera, Ukrainari laguntzen jarraitzearen alde egin du.
Borrellen arabera, Ukrainako gerraren jatorrian "potentzia inperialista baten inbasioa dago", eta Gazaren kasuan "bi herrik lur bat eskuratzeko borrokan ari dira duela ehun urtetik, eta europarrok ardura handia dugu, lur hori hitzeman baikenien bi aldeei".
Albiste gehiago mundua
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.