Edmundo Gonzalez Espainian da
Edmundo Gonzalez Urrutia oposizioburu antichavista eta Venezuelako presidentegai izandakoak lehen gaua eman du Espainian. Atzo, igandean, iritsi zen Torrejon de Ardozera (Madril), 16:00etan.
Espainiako Atzerri Ministerioak jakitera eman duenez, emaztearekin eta Diego Martinez Belio Atzerri eta Mundu Mailako Estatu idazkariarekin batera egin du bidaia, eta Susana Sumelzo Iberoamerikarako Estatu idazkariak egin die harrera bertan.
"Aurrerantzean, asilo eskaerarako tramiteak hasiko ditugu, eta Espainiak horren alde egingo du eskubide politikoak eta venezuelar guztien osotasun fisikoa bermatze aldera —batez ere buruzagi politikoena—", esan du Atzerri Ministerioak.
Behin Espainian, Venezuelako Plataforma Unitario Demokratikoko (PUD) hautagaiak esan du "presioak eta mehatxuak" jasan dituela irtetea saihesteko. Oposizioburuak grabatutako audio batean azaldu duenez, "Venezuelako demokrazia berreskuratzeko eta askatasuna lortzeko borrokatzen" jarraituko du aurrerantzean.
Ildo berean, Maria Corina Machado oposizioko kideak azpimarratu du berak Venezuelan egingo duela "borroka", eta Gonzalezek "kanpotik".
Irteteko negoziazioak
Delcy Rodriguez Venezuelako presidenteordearen esanetan, Venezuelak "luze eta zabal hitz egin du Espainiarekin", Gonzalez herrialdetik irten zedin. Bien bitartean, Espainiako Gobernuak "ordainik gabeko negoziazio politikoa" egon denik ukatu du.
"Bi gobernuen arteko akordioa izan da, eta horretarako, luze eta zabal hitz egin dugu irteera berme guztiekin egin zedin", azaldu du Rodriguezek Telegramen duen kontuan.
Elkarrizketak ukatu ez baditu ere, Jose Manuel Albares Espainiako Atzerri ministroak nabarmendu du harrerak ez duela "ordainik" izango.
Edmundo Gonzalezek berak eskatu zuen asiloa, Venezuelako Gobernuak bera atxilotzeko agindua eman ostean. Espainiarako bidaia abiatu baino lehen, bi egun eman zituen Herbehereetako kontsulatuan, ezkutatuta. Hain justu, Maduroren gobernuak iragarri du protesta oharra helaraziko diola Herbeheeretako Gobernuari, horren berri ez emateagatik.
Erreakzioak
Europar Batasuneko Atzerri Gaietako ordezkari nagusi Josep Borrellek esan du "egun tristea" dela gaurkoa demokraziarentzat, Gonzalezek asiloa eskatu eta Espainiaren babesa bilatu behar izan duelako, "gehiengo zabalarekin Venezuelako hauteskundeak irabazi zituen arren".
Oposizioburu eta Venezuelako presidente arduradun ohi Juan Guaidok —AEBra erbesteratua— ospatu egin du "venezuelarrek hautatutako presidentea seguru egotea".
"Espainian seguru dago, eta hauteskunde primarioetan babes gehien jaso zuen hautagaia, Maria Corina Machado, buru da. Lagun izango gaituzte", idatzi du X sare sozialean duen kontuan.
Venezuelako fiskal nagusi Tarek William Saabek ere mintzagai hartu du Gonzalezen irteera, eta esan "antzezlan xelebre baten amaiera iritsi dela", bidean "odola, izerdia eta malkoak" izan dituena —haren hitzetan—.
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.