Israelgo Armadak 40 palestinar hil eta 60tik gora zauritu ditu Gazan, gune humanitario baten aurkako erasoan
Israelgo Armadak Gazaren aurka eraso egiten jarraitzen du, eta bart gutxienez 40 pertsona hil eta 60 baino gehiago zauritu ditu, Khan Yunisetik gertu dagoen gune humanitario baten kontra misilak jaurtita. Shehab albiste agentziak zabaldutako informazioaren arabera, "familia osoak desagertu dira".
Gerra-hegazkinekin egindako erasoa justifikatu du Israelgo Armadak, gune humanitario horretan Hamaseko kideak gordeta zeudela argudiatuta. Hamasek, ordea, gezurtatu egin du informazio hori, Telegramen zabaldutako komunikatu batean.
Ez da Israelgo Armadak Gaza hegoaldeako gune humanitarioaren kontra egiten duen lehen aldia. Pasa den uztailean, Israelgo Armadak 90 pertsona hil zituen eremu seguru izendatutako Mawasi inguruan. Israelek, ondoren, esan zuen Mohammed Deif Hamaseko adar armatuko burua hiltzea zela helburua.
Mawasi ingurua, Khan Yunis (Gaza hegoaldean) eta Deir al Balah (erdialdean) eremu seguru izendatu zituen Israelgo Armadak. Hala ere, apurka-apurka perimetro hori murriztuz joan da, miliazanoak bertan ezkutatzen direla argudiatuta.
Gazako herritarren % 90 desplazatuta daude, eta gehienak gune humanitarioetako kanpalekuetan pilatuta bizi dira, apenas argindarrik eta urik gabe.
NBEko Giza Gaietarako Bulegoaren arabera, milioi bat pertsonak baino gehiagok ez zuten janari-erraziorik jaso, abuztuan, Gaza erdialdean eta hegoaldean. Arrazoia Gazan sartzen den laguntza humanitarioa murriztu izana dela gaineratu du.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.