Ultraeskuinak garaipen historikoa lortu du Austrian, baina ez dute aliaturik gobernatzeko
Eskuin muturreko FPÖ alderdi ultranazionalistak lehen aldiz irabazi ditu Austriako Parlamenturako hauteskundeak, botoen % 28,8 lortuta, boto zenbaketa ia amaituta, ÖVP kontserbadorearen aurretik (% 26,3).
"Boto-emaileek hitz egin dute", esan du Herbert Kickl FPÖko buruak, eta emaitza horrek herrialdeak norabide aldaketa nahi duela erakusten duela nabarmendu du.
Eskuin muturreko alderdi ultranazionalistak % 13 egin du gora 2019ko emaitzekin alderatuta, immigrazioaren aurkako mezuak zabalduz, eta kontserbadoreek eta ekologistek osatutako Gobernuak covid-19aren pandemia kontrolatzeko hartutako neurriei kritika zorrotza eginez.
Austriako Alderdi Popularrak (ÖVP) hamaika puntu galdu ditu azken hauteskundeetatik gaurkoetara, eta bigarren geratu da. Karl Nehammer Gobernuko egungo buruak eta ÖVPko buruzagiak berriz adierazi du ez dutela FPÖrekin bat egingo Gobernua osatzeko.
SPÖ alderdi sozialdemokrata izan da hirugarren indarra, botoen % 21,1 jasota. Halaber, Neos liberala (% 8,8) eta Berdeak (% 8,7) ere Parlamentuan izango dira. Azken horiek Alderdi Popularraren kide minoritario izan dira Gobernuan, eta bost puntu baino gehiago galdu dituzte azken hauteskundeetako datuekin alderatuta. Hiru alderdi horiek muzin egiten diote ultraeskuinarekin gobernua osatzeari.
Aliaturik ez duela ikusita, Herbert Kickle FPÖko buruak salatu du gainerako alderdiek "bigarren mailako boto-emaile" gisa tratatzen dituztela euren aldekoak eta aurkarien printzipio demokratikoak zalantzan jarri ditu.
Behin betiko emaitzen zain, gobernua osatzeko aukera bakarra kontserbadoreen eta sozialdemokraten arteko koalizio handiaren teoria indarra hartzen ari da. 92 eserlekuko gehiengo estua izango lukete ÖVPk eta SPÖk, eta Neos liberalekin elkartuta, hiruko gobernua osatuko balute, 18 eserleku gehiago izango lituzkete.
Inoiz ez da hiruko gobernurik izan Austrian, baina analista asko horren aldeko apostua egiten hasi dira.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.