Libanon esku-hartze militarrik ez egiteko eskatu dio Europar Batasunak Israeli: "Krisia larrituko luke"
Europar Batasuneko Atzerri ministroek ezohiko bilera telematikoa egin dute arratsaldean, Libanoko krisia aztertzeko, Israelek azken egunetan egindako bonbardaketak tarteko. Amaitutakoan, Josep Borrell Europar Batasuneko goi-ordezkariak "Libanon esku-hartze militarrik ez egiteko" eskatu dio Israeli. Izan ere, Libano hegoaldean eta Beirut hiriburuan azken egunetan milaka baja zibil eragin dituzte Israelek bonbardaketa bidez eta egoera larria da.
"Edozein esku-hartze militarrek egoera larriagotu egingo du, eta saihestu egin behar da", ohartarazi du Borrellek, Mexikon dagoela.
Estatu Batuek ere Libanon lurreko erasorik ez egiteko eskatu diote Israeli, horrek asmo hori agertu ostean. EBko Kanpo Arazoetako arduradunak gogorarazi duenez, Israelek Hezbollahko buruzagitzaren aurka egin bazituzten ere erasoak, biktima zibil ugari eragin dute: "Biktimen kopuru handia ezin da ahaztu", esan du.
"Armak isilarazi egin behar dira, eta diplomaziaren ahotsa gailendu behar da. Hezbollahren aldekoek bertan behera utzi behar diote suziriak jaurtitzeari eta Israelen zein Libanoren subiranotasuna bermatu behar da", azpimarratu du Borrellek. Horregatik, su-etena eskatu du, Ekialde Hurbilean erabateko gerra saihesteko.
Era berean, Nazio Batuen ebazpenak erabat eta simetrikoki aplikatzeko konpromisoa hartu beharko luketela alde guztiek esan du Borrellek.
EBko herritarrak Libanotik ebakuatzeko aukerari dagokionez, Borrellek adierazi du kontsulak euren artean nahiz beste herrialdeetakoekin koordinatuta daudela, larrialdiko operazio bat egin behar izanez gero, baina ez du xehetasun gehiago eman.
Libanoko krisi humanitarioaren aurrean, Europar Batasunak dirulaguntza gehiago mobilizatuko duela aurreratu du EBko goi-ordezkariak.
Ekialde Hurbilerako hegaldirik ez hartzeko gomendatu dute
Era berean, Europako Batzordeak eta Europar Batasuneko Aire Segurtasunerako Agentziak (EASA) Israelera eta Libanora hegaldirik ez egitea gomendatu dute, urriaren 31ra arte, gutxienez. EASAk baieztatu du egoera gertutik zaintzen jarraituko duela, zein norabide hartu erabakitzeko.
Hezbollah, "lurreko borrokaldi baterako prest"
Bonberdaketak ez dira eten azken egunotan, eta, atzo ehun pertsona baino gehiago hil ziren, Israelen bonbardaketek eraginda. Astebete pasatxoan, 1.000 hildako izan dira, gutxi gorabehera, eta 6.000 zauritu baino gehiago, Libanoko Gobernuaren arabera.
Astelehen honetan, Israelgo Armadak Beirut erdigunea bonbardatu du, estreinakoz. Testuinguru horretan Naim Qassem Hezbollahko idazkariorde nagusiak adierazi duenez, talde xiita "etsaiarekin lurreko borrokaldia izateko prest dago" eta esan du Hassan Nasrallah idazkari nagusiaren ondorengoa "lehenbailehen" aukeratuko dutela eta Israelen aurkako borrokarekin aurrera jarraituko dutela.
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.