Israelek Yahya Sinwar Hamaseko burua hil du, Gazan
Yahya Sinwar, Hamaseko buruzagi gorena eta urriaren 7ko erasoak agindu zituena, hil duela baieztatu du Israelgo armadak. Azken urte honetan, Tel Aviven helburu nagusia Sinwar akabatzea izan dela esan du armadak.
Hamesek ez du ofizialki ezer baieztatu, baina Reuters agentziak azaldu duenez, mugimendu islamistaren iturriek aitortu egin dute Sinwar hilda dagoen "zantzuak" dituztela.
Armadak eta Shin Bet inteligentzia agentziak azaldu dutenez, Hamaseko liderra asteazkenean, urriaren 16an, hil zuten Rafah inguruan egindako operazio militar batean. Adierazpenen arabera, gainera, haren bila urtebete eman badute ere, inguruko ekintza militarren Sinwarren mugimenduak erabat mugatu zituzten eta inguratuta zeukaten.
Ordu batzuk lehenago, Gazan hiru "terrorista" hil dituela iragarri du Armadak, eta, DNA proben bidez, horietako bat Hamaseko burua ote zen egiaztatzen ari zirela gaineratu du. Azkenean, erasoaren ondoren aurkitutako hiru gorpuetako bat Sinwarrena dela baieztatu du eta beste biak bi soldadu direla.
Sinwar talde islamistaren azken agintarietako bat zen, udan Ismail Haniyeh bulego politikoko burua eta Mohamed Deif buruzagi militarra hil ondoren.
Benjamin Netanyahu Israelgo lehen ministroa harro agertu da. Bere hitzetan, "Hamasek ez du Gazan gobernatuko. Hau Hamasen biharamunaren hasiera da eta hau aukera bat da zuek, Gazako biztanleok, euren tiraniatik askatzeko". Hala ere, herrialdeak gerran jarraitzen duela errepikatu du, "berpizkundearen gerran" hain zuzen ere.
U7erasoen pentsatzailea
Yahya Sinwar 1962an jaio zen Jan Yuniseko errefuxiatu eremuan. 19 urterekin sartu zen Hamasen eta 2017an goi-karguetara iritsi zen, Israelen etsai sutsuaren fama hartuta. Abuztuan gainerako agintariak hil ondoren, buruzagitza bere esku gelditu zen.
Israelen aburuz, bera izan zen 1.200 pertsona hil eta 250 bahitu eragin zituen 2023ko urriaren 7ko erasoak pentsatu eta antolatu zituena. Ondorioz, Israelgo Armadaren helburu nagusi bilakatu zen.
Israelek Hamaseko hainbat buruzagi hil izan ditu iraganean, hala nola Ahmed Yasin jekea (2004), Abdelaziz Rantisi (hilabeteren ostean), Salah Shehade (2002) eta Ahmed Yabari (2012).
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.