Israelek 100 pertsona baino gehiago hil ditu Libanon eta Gazako Zerrendan azken 24 orduetan
Israelgo Defentsa Indarrek jakinarazi dute azken 24 orduetan Hezbollah talde xiitako 70 "terrorista" hil dituztela Libanon, eta Hamas Erresistentzia Mugimendu Islamikoko 40 bat Gazako Zerrendan egindako erasoetan.
"Azken 24 orduetan, gerra hegazkinek Hezbollahko 70 terrorista hil dituzte eta 120 helburu terroristari egin diete eraso", Israelgo Armadak X sare sozialean zabaldu duenez.
Aldi berean, aireko indarrek Jabalian (Gaza iparraldea) operazioak egiten jarraitu dute, eta "40 terrorista baino gehiago hil dituzte egun bakarrean", eta Armadak "talde terrorista bat deuseztatu du aurrez aurreko borrokaldietan".
Israelgo Armadak gutxienez 42.924 pertsona hil ditu Gazako Zerrendan duela urtebete hasitako erasoaldian, Hamasek urriaren 7an egindako atentatuetan 1.200 pertsona hil eta 250 inguru bahitu ostean.
Gazako Osasun Ministerioaren arabera, gainera, 100.000 pertsona baino gehiago zauritu dira, eta agintariek uste dute hildakoak gehiago izan daitezkeela hondakinen artean harrapatuta geratu direnak zenbatuta.
Baina Gazan ez ezik, Palestinako beste eremu batzuetan ere izan dira hildakoak, 600 bat Zisjordanian, eta azken asteotan Libanon egindako erasoetan 2.500 pertsona baino gehiago hil ditu Israelek.
"Gaza iparraldeko herritar guztiak daude hiltzeko arriskuan"
Joyce Msuya Nazio Batuen Erakundeko Gai Humanitarioen idazkari nagusiorde eta Sorospen eta Larrialdietako koordinatzaileak ohartarazi du Gazako Zerrendan dauden herritarrak arriskuan daudela, eta Israelgo Armadari eskatu dio erasoaldia eta "oinarrizko gizatasunarekiko erabateko mespretxua" amaitzeko.
"Gaza iparraldeko herritar guztiak daude hiltzeko arriskuan", ohartarazi du Msuyak, "oinarrizko gizatasunarekiko eta gerraren legeekiko erabateko mespretxua amaitu egin behar da", aldarrikatu aurretik.
NBEko koordinatzaileak azaldu du ospitaleei eta bertako langileei egin dietela eraso, eta horrek eragotzi egin duela larrialdietarako zerbitzuen lana. Horrez gain, salatu duenez, "aterpeak hustu eta erre, eta familiak banatu eta gizonak eta mutikoak kamioietan eraman dituzte".
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.